نسيم العشق ج١

– الدكتور مصطفى جيه يا جنة جوزك رجع من السفر

قامت بسرعة واستقبلوه كل اللى فى البيت واولهم جنة اللى كانت واقفة بتبص على الباب بلهفة وحب كبير وبتفتكر اللى حصل من خمس سنين

كامل : اكتب على جنة بت عمك قبل ما تسافر دا شرطى الوحيد عشان اسيبك تسافر

مصطفى: ايوا يا جدي بس جنة صغير اوى على الجواز دلوقتي دى لسه ٢١ سنة وانا كمان صغير ولسه فى أول حياتى ومش عايز اتجوز دلوقتي

كامل : انا قولت اللى عندي اكتب على بت عمك اوافق تسافر وهساعدك من جنيه لمليون غير أكده منتش مسافر

مصطفى بقلة حيلة : تمام

بعدها

دخل مصطفى وهو محاوط بأيده على بنت بصله الجميع بصدمة واولهم جنة طبعاً اللى حسيت بنغزة فى قلبها بمجرد ما شافتهم

كامل بجدية وغضب : مين دى يا ولدي

مصطفى: دي مراتى يا جدى نور

نزلت الجملة عليها كالصاعقة كانت هتقع من صدمتها لولا ايد بنت عمها وصاحبة عمرها اللى مسكتها فجنة تعشق مصطفى منذ طفولتها

كامل بغضب شديد وهو بيقف قدامه : مرتك ازاى وانت متجوز بت عمك

مصطفى : وايه اللى فيها هو مش انا الشرع محللى اربعة برضوا

كامل : انت شكلك اتجننت رسمى دا مكنش اتفقنا قبل ما تسافر يا ولد عاصم

مصطفى بغضب وعصبية مفرطة: انت عارف كويس اوى انا اتجوزتها ليه انا مبحبهاش ولا عمري هحبها انا طول عمري وانا بحلم اتجوز بنت متحضرة مش بنت صعيديه اهم حاجه عندها الاكل والطبيخ

عيسى بغضب مفرط: مصطفى اتكلم كويس مع جدك ومتعليش صوتك

مصطفى بضيق : اها هتعمل عليا الكبير بقى عشان بقيت عمدة البلد وكبيرها والنائب عن ديرتتا بقولك ايه يا عيسى انت تعمل كبير على الكل الا انا انت فاهم

كامل بجدية وهو بيسند بعكازه الارض

: فرحك على بت عمك الليلية احنا جهزنا الولائم وعزمنا اهل البلد على الفرح يلا جهز نفسك

مصطفى: بقولك اتجوزت

كامل : يعنى ايه

راح وقف قدام جنة واتكلم بجدية

: انتى طالق يا جنة

يتبع…….

البارت الثاني

مصطفى بجدية وهو بيقف قدام جنة : انتي طالق يا جنة

نزلت الجملة عليها كالصاعقة قعدت على الكرسي بأنهيار وهى مش عارفه تقف

كامل بغضب مفرط: انت ازاى تعمل اكديه انت اتجننت

مصطفى: مبحبهاش افهموا بقى وانا دلوقتي راجل متجوز

عيسى بجدية : انت زودتها اوي قولتلك متعليش صوتك على جدك وبعدين مبتحبهاش ايه اللى يخليك تتجوزها كنت جيت قولتلي ساعتها وانا كنت هتكلم مع جدي بخصوص الموضوع دا انما لا الدكتور مصطفى كان أهم حاجه عنده انه يسافر انما بنت عمه تتضايق المهم مصلحته

مصطفى بضيق : هتعمل عليا بقى الكبير العاقل وتقف فى صفه زى كل مرة وتطلعني انا الغلطان

كامل حس ان الدنيا بتلف بيه وكان هيقع لولا ايد عيسى اللى لحقته

عيسى بخوف شديد: جدي جدي انت كويس

كمل وهو بيبص لمصطفى بغضب وبيتكلم بصوت عالي

: تعال شوف جدك

تأفف مصطفى بضيق وهو بيبصلهم بسخرية

كامل بحسرة : هنعمل ايه النهارده الفرح واهل البلد على وصول عايزين يطمنوا على بت عمك هيقولوا علينا ايه مش بعيد العمودية تتاخد منك يعيسى

عيسى : تتأجل يا جدي اهم حاجه صحتك

كامل وهو يضع يديه على قلبه : ااه

عيسى بخوف شديد و صرامة: حد يجيب دوا جدي بسرعة

خرجوا كل الخدم على صوته فأوامر عيسي تنفذ فى الحال

راح مصطفى عنده وكشف عليه

مصطفى: مفيش حاجه بسبب عصبيته بس شوية وهيرتاح متكبرش الموضوع

عيسى : عارف لولا اللى احنا فيه دلوقتي كنت علمتك الادب وانت عارف كويس انا ممكن اتصرف معاك ازاي

بلع ريقه مصطفى بخوف شديد

كامل : هنعمل ايه يا ولدي

لا حول ولا قوة الا بالله العلي العظيم ♥️

عيسى بتفكير وهو بياخد نفس عميق : انا اللى هكتب على جنة الليلية

بصله الجميع بصدمة شديدة واولهم جنة اللى حسيت انها قليلة اوي لدرجة انها هتتجوز واحد غصبن عنه

كامل : انت بتقول ايه يا ولدي

عيسى : هبعت اجيب المأذون يا جدي انهاردة كتب كتابي وفرحي على جنة بت عمي

كريمة بغضب: انت بتقول ايه هتتجوز واحدة بتحب غيرك هتقبلها على نفسك ازاى يا عيسى

عيسى بجدية وصرامة : اما انا قولت اللى عندي ودا قراري وانا راضي جدا عنه

مصطفى بسخرية: تصدق لايقة عليك عاملين ثنائي روعة

عيسي راح عنده ووقفه بحزم قدام وشه

عيسى بغضب : كفاية اوي اللى انت عملته ولو كنت عايز تعيش فى البيت دا يبقى تحترم الموجودين فيه واولهم جنة جنة هتبقى مرات النائب عيسى الجابلي عمدة البلد واللى الكبير والصغير بيعمله الف حساب ابقى فكر بس تضايق جنة حتى لو بكلمة صدقني وقتها مش هعمل اعتبار انك ابن عمي ومش هسكتلك يا مصطفى انت فاهم

مصطفى بخوف حاول يدريه: وانا مالي ومالها جنة دي اخر حد افكر فيه يلا يا نور نطلع اوضتي

نور خفضت راسها بخجل من نظرات كل الستات اللى موجودين اللى كانوا بيبصولها بغضب وكأنها ارتكبت خطأ فى حقهم

طلعت نور مع مصطفى اوضة مصطفى

مصطفى بغضب وهو بيعدل قميصه فى المرايا ومتجاهل نور : متكلمتيش ليه تحت

نور : وانا هتكلم اقول ايه

استغفر الله العظيم الذي لا اله الا هو الحي القيوم و اتوب اليه ♥️

مصطفى: دافعي عن جوزك قولي انك مش هتسبيني لغيرك

نور بغضب : كنت بتمنى ان يمين الطلاق دا يترفع عليا انا مش هي وادافع عنك بمناسبة ايه بمناسبة انك ضحكت عليا ومثلت عليا الحب وخلتني احبك واتعلق بيك وسيبت ابويا واخويا والهنا اللى كنت عايشة فيها وبعدها اكتشفت انك اتجوزتني عشان تضايق ابويا اللى مرضيش يعينك فى المستشفى بتاعته وطردك منها زى ال

ملحقتش تكمل الجملة لتجد نظرة حادة جدا وسكت لحظة طويلة بضيق شديد واتكلم بغضب مفرط وعيون حمرة من شدة غضبه

: اخرسي اوعى تجيبى سيرة ابوكي او اخوكي على لسانك تاني انا اللى هضايق ابوكي بيكى يحلوة

نور ببكاء : انت مريض نفسي يمصطفى بجد مبتحبش تشوف اى حد ناجح ودا بان عليك وانت تحت انا عارفه انك عملت كدا عشان عيسى وعيلتك ينحرجوا فى البلد وتتاخد منه العمودية ودا كان بيبان جدا لما كنت بتتكلم عليه معايا انت بتغير منه ومش عايز تشوفه ناجح

مصطفى بغضب مفرط: بسس بسس اسكتي متتكلميش تاني

نور : ايه زعلت عشان عرفتك حقيقتك ربنا يريحنى منك قريب انا بجد مبقتش طايقك

مصطفى ببأبتسامة سخرية: هههههه انتي مفكرة انك هتبعدي مني بسهولة لا يحلوة مش بالسهولة دى انا داخل الحمام اخرج الاقي غيار موجود على السرير

دخل الحمام من قبل ما ترد حتى

نور بغضب وهى بتفتح الشنطة تطلع هدومه : ربنا يسامحك ويراضيك

فى الاسفل جنة مكنتش مبطلة عياط

حنين ( اخت عيسى الصغيرة واقرب صديقة لجنة)

: خلاص يا جنة اهدي والله ما يستاهل دمعة واحدة منك

جنة ببكاء: هو ليه عمل كدا انا ضايقته فى ايه ربنا يسامحه

عيسى : جدي بقيت احسن

كامل : ايوا يا ولدي

راح كامل عند جنة واخدها فى حضنه وهو بيدمع

: انا اسف يبتي اسف انا السبب انا معرفتش احافظ على وصية ابوكي وهو بيقولي خد بالك من جنة مش هيبقى ليها غيرك بعد ما اغيب

جنة : متقولش كدا يا جدي ومتتعبش نفسك

كملت وهى بتتصنع الابتسامه: انا كويسة أهو

عيسى بصرامة : جهزي نفسك عشان الناس على وصول قومي معاها يحنين

حنين : حاضر يا ابيه

جنة قامت مع حنين وطلعت اوضتها بص عيسى لطفيها بقلة حيلة

جنة : انا مش عايزة اتجوز ابيه عيسى

حنين : مش احنا اللى بنقرر يجنة انتي عارفه كويس اوي اوامر ابيه عيسى بالذات سيف ومحدش يقدر يعارضها يلا عشان اجهزك لفرحك

هزت راسها بأستسلام هي مين هي عشان تعارض قرار كبير البلد

اللهم صلي وسلم وبارك على سيدنا محمد وعلى اله وصحبه اجمعين ♥️

فى المساء تم عقد قران عيسى وجنة

حنين : ابيه طالع انا هخرج أنا

جنة بخوف وهي بتبلع ريقها : ما تباتي معايا الليلية

حنين وهى بتربت برفق على كتفها: فوقي يجنة انهاردة فرحك وانتي دلوقتي فى اوضة ابيه عيسى يلا انا لازم اخرج عشان انا مش حمل يبصلى بصة من بتوعه

جنة : تمام

دخل عيسى الاوضة وحنين كانت بتخرج

حنين : مبارك يا ابيه

اكتفى انه يبتسم خرجت حنين بص على جنة لاقها بتفرك ايديها بارتباك وتوتر

عيسى بجدية: ايه هتفضلي قاعدة بالفستان انهاردة فرحنا على فكرة

جنة بتوتر: هو هو يعني انا مش جاهزة دلوقتي

عيسى : ومش عيسى الجبالي اللى يقرب من واحدة قلبها مع غيره وإن كنت اتجوزتك فدا عشان حالة جدي الصحية مش اكتر

جنة بدموع : تمام

عيسى بعصبية: قومي غيري الفستان دا

جنة بخوف شديد وهى بتقوم تدخل الحمام بسرعة

: حاضر حاضر

و

فجأة سمعوا صوت من تحت بص عيسى من البلكونة بثقة

الغفير : الحق يعيسى بيه

يتبع…….

البارت الثالث

الغفير : الحق يعيسى بيه

عيسى بجدية: فيه ايه

الغفير : فيه مشكلة كبير ما بين نفرين فى البلد وعايزين حضرتك

عيسى: تمام انا جاي

دخل عيسى لاقى جنة خارجة من الحمام وكانت لابسه بيجامة عليها بعض الرسومات الكرتونية ورابطة شعرها بعشوائية تاه فيها وهو أول مرة يشوفها بشعرها

جنة بخجل من نظراته: احم

عيسى وهو بيفوق من توهانه فيها اتكلم بجدية: انا خارج

جنة : هتروح فين

عيسى وهو بيقرب منها وهي بتبعد لحد اما سندت على حيطة وراها

جنة بتوتر وهى بتغمض عينيها بخوف : انت هتعمل ايه

ابتسم على شكلها واتكلم بجدية وصرامة وهو بيمسك ايدها

: متخافيش وبصيلي

جنة وهي بتبصله : ممكن تبعد شوية

عيسى بعصبية: يواه انا مش بحب اعيد و ازيد فى كلامي كتير قولتلك مش هقربلك وانتي قلبك مع غيري وبعدين انا لو كنت عايزاك كنت خدتك من قبل ما تتجوزي مصطفى بس انتي عندي زي حنين بالظبط ومش هعرف اشوفك غير كدا انتي فاهمة

حسيت وقتها انها متتحبش من حد لا من عيسى ولا من مصطفى اتكلمت بصعوبة وهي حابسة دموعها من الخروج بالعافية

جنة : كنت عايز تقول ايه

عيسى بصرامة: السؤال بتاع المتجوزين رايح فين وجاي منين وهتيجي امتى من برا مش انا اللى اتسأله من مين ايا كان فحطي فدماغك النقطه دي عشان انا بحذر فى الاول بعد كدا هتصرف تصرف مش هيعجبك تمام

جنة بدموع: تمام

خرج بسرعة وهو بيقفل الباب وراه

كان نازل بس وقفه فى صالة القصر صوت امه

كريمة : عيسى

عيسى بصلها بأنتباه اتكلمت بغضب

: انت ازاى تتجوز جنة انت مش عارف انها بتحب مصطفى ابن عمك والعيلة كلها عارفة اكديه

عيسى : اما معدش ليه لزوم الكلام فى الموضوع دا خلاص جنة بقيت مراتي

كريمة : بقى عيسى الجبالي اللى بنات البلد كليتهم بيتمنوا بصة واحدة منه يتجوز واحد مهتحبوش انت اتجننت فى نفوخك يعيسى

عيسى : اما انا مش فاضي لكل الكلام اللى ممنوش لازمه دا انا حالياً خارج عن اذنك

كريمة : كلامنا لسه مخلصش يعيسى

عيسى: الصباح رباح يا اما اطلعي نامي انتي دلوقتي

كريمة بسخرية: ويا ترى السنيورة اللى اتجوزتها فرحتك يوم فرحك يعيسى ولا قالتلك لا مش انت اللى عايزه

وقف وهو بيقبض ايده وبيحاول يسيطر على غضبه راح عندها واتكلم بغضب لم يستطيع اخفاءه

: الموضوع دا يخصيني انا و مراتي ومش هسمح لأي حد مهما كان يدخل فيه ويا ريت متتكلميش مع جنة فيه وخليكي عارفه انها مراتي واى حاجه تمسها هتمسيني

قال كلامه وادها ضهره وخرج من قبل حتى ما تتكلم اتكلمت بغضب

: لحقتي يجنة تضحكي لابني من اول يوم

عيسى خرج من القصر ركب عربيته تحت نظرات مصطفى اللى كان واقف فى بلكونة اوضته دخل الاوضة بغضب واتكلم بغيظ

: اي مشكلة فى البلد عيسى هو اللى يحلها وكأن مفيش غيره فى عيلة الجبالي

بصتله نور وضحكت بسخرية وشماتة

مصطفى بضيق وغضب : وايه بقى اللى بيضحك الدكتورة نور اوي كدا قولي عشان اضحك معاكي

نور : انا عايزة انام تصبح على خير

مصطفى: اما اكون بسألك تردي

نور : الصراحة عيسى دا شخصية جامدة اوي حقيقى يبخت جنة بيه

مصطفى راح عندها ووقف قدامها بضيق شديد

: ابقي جيبي سيرة عيسى أو سيرة اي راجل غيره على لسانك تاني وشوفي ايه اللى هيحصلك

نور بأببتسامة: مصطفى انت بتغير عليا

سابها واتكلم بضيق شديد جدا وسكت لحظة

مصطفى: انا مبغرش ومبحبش عشان انا مفيش قلب اصلا

نور : مع الوقت هنعرف

جنة كانت واقفة قدام المرايا وبتبكي بشدة

: هو انا وحشة اوي كدا ليه محدش عارف يحبيني ليه يمصطفى دا انا محبتش غيرك كملت وهي بتمسح دموعها

: لا يا جنة مينفعش تفكري فيه انتي دلوقتي على ذمة غيره كدا انتي بتخونى عيسى استغفر الله العظيم

بعد منتصف الليل نزلت جنة المطبخ لانها مكنتش عارفه تنام من جوعها قعدت على تربيزة السفرة وهى حاطة طبق الاكل على رجليها

مصطفى دخل وشافها اتكلم بسخرية

: بقى فيه واحدة تسيب اوضتها يوم فرحها وتنزل تعقد فى المطبخ ايوا صح افتكرت عيسى سابك يوم فرحك ومشي معلش

جنة كانت هتخرج بس وقف قدامها ليمنعها من الخروج

مصطفى: انتي مش طايقني لدرجة دي مكنتش ورقة جواز عادي اللى كاتبنها عشان بس جدي يوافق اسافر اللى تخليكي تتأملي وتحلمي احلام اكبر منك وقال ايه كان عايزينى اقلبه رسمي ونعمل فرح انهاردة دا الحمد لله انك كنتي مسافرة وقتها والظروف مكنتش تسمح والمحامي قال نأجل حالا مش الدكتور مصطفى اللى يكمل مع واحدة صعيديه بسيطة

جنة بثقة : اول مرة اعرف ان الدكاترة بيتقال عليهم بسيطين دا امتى نزل المصطلح دا عليهم

مصطفى بأستغراب: مش فاهم

جنة : انا فى تانية طب بشري يا دكتور مصطفى واعرف ست لغات كمان بالإضافة الى اني بنت صعيديه بعرف اطبخ وست بيت كويسة جدا بعد كدا اما تتكلم على حد تتكلم وانت عارف

مصطفى بصدمة: ايه

جنة بسخرية : زي ما عرفت ايه الموضوع بيصدم اوي كدا

عيسى دخل البيت طلع الاوضة وملقاش جنة موجودة خبط على باب الحمام مفيش اى رد فتح الباب وملقهاش موجودة خرج من الاوضة وشاف واحدة من الخدم معدية من قدام الاوضة

عيسى: جنة هانم فين

: نزلت المطبخ يا بيه

عيسى: تمام روحي انتي

نزل المطبخ لاقى جنة واقفة مع مصطفى بصلهم بغضب وغيرة شديدة

عيسى: انت بتعمل ايه هنا

مصطفى بخوف : نزلت اشرب ولاقيتها قاعدة بتاكل هنا

عيسى راح ناحية التلاجة جاب منها ازازة مياه وراح وقف قدام مصطفى

عيسى بجدية: امسك و بلاش تيجي هنا كتير هنا مكان حريم متفكرش نفسك فى لندن انت هنا فى الصعيد اما تعوز حاجه اطلبها من الخدم

مصطفى: تمام

عيسى : يلا

مصطفى خرج بضيق وخرج الجنينة

عيسى بجدية وهو ماسك فونه وبيقلب فيه

: هاا ايه اللى نزلك فى وقت زي دا انتي عارفه الساعة كام

جنة بتوتر : عادي يعني يا ابيه انا كنت جعانة فقو

قاطعها عيسى وهو بيتكلم بحدة

: لا مش عادي الكلام دا كان عادي وانتي مش على ذمتي لكن دلوقتي انتي مرات كبير البلد مينفعش تنزلي من اوضتك فى وقت زي دا تاني حاجه بقى انا مش ابيه انا جوزك اسمي عيسى

جنة بدموع : تمام

عيسى بحنية مفرطة : قولت انا ايه دلوقتي يخليكي تعيطي

جنة : مفيش واسفة مش هتتكرر تاني عن اذنك

جت تطلع الاوضة مشفتاش درجة السلم من سرعتها اللى كانت ماشية

عيسى بخوف شديد وهو بيروح عندها : جنة انتي كويسة

جنة ببكاء: رجلي باين اتلوت

شالها برفق وحنية مفرطة

جنة بدموع وخجل : عيسى

عيسى بتوهان فيها وفى اسمه اللى اول مرة يسمعه منها

: نعم

جنة : نزليني انا هعرف امشي لوحدي

عيسى : ششش اسكتي وبطلي عياط

وصل بيها لاوضتهم حاطها على الكنبة برفق ونزل قعد عند رجليها

عيسى : هتوجعك وانا بفكها وبعد كدا هترتاحي

جنة هزت راسها بخجل مسك رجليها وحركها برفق

جنة ببكاء: اااااااه

عيسى : خلاص خلصنا استني

راح جاب مرهم ودهنه برفق وحنية مفرطة

عيسى : بقيتي احسن

جنة ببكاء: ااه

عيسى وهو بيعقد جانبها على الكنبة : بتعيطي ليه دلوقتي رجلك بتوجعك اوي ارن على الدكتورة تيجي تشوفك

جنة : لا

عيسى بحنية وهو بيزيح شعرها ورا ودنها: بتعيطي عشان زعقتلك تحت انت اسفة والله انا بس خايف عليكى من مصطفى

جنة بدموع وهى بتحضنه بتلقائية منها : لا انا مش زعلانة منك انا زعلانة على نفسي

كان معلق ايديه فى الهوا وهو مستغرب حركتها مسكت فيه برفق وهى بتبكي

: هو انا متحبش يعيسى هو انا وحشة

عيسى بألم مش عارف سببه : انتي بتحبيه لدرجة دي

جنة : مش كدا انا بس صعبان عليا نفسي وكل اللى حصل معايا مصطفى ميستاهلش ازعل عشانه بس هو قلل ثقتي بنفسي حاسسني اني وحشة اوي

عيسى وهو بيطبطب عليها : اهدي اهدي يا جنة انتي ست البنات والله انتي جميلة جدا و زي القمر واحلى

جنة : انت بتقول كدا عشان تجبر بخاطري صح

عيسى بتلقائية : والله انتي قمر اوى وعاجبني اوي

جنة خرجت من حضنه بخجل شديد بصلها باهتمام حاول يتحكم فى نفسه وفى بصته ليها بس مقدرش ووو

يتبع……

نسيم العشق

البارت الرابع

اقترب منها بهدوء شديد واتكلم بهمس

: انتي جميلة اوى يا جنة

جنة بخجل شديد وتوتر : عيسى ابعد

عيسى بهمس : مش قادر والله

جنة بتوتر وهى بتحاول تبعد اتكلمت بغضب و دموع

: بقولك ابعد

بعد بصعوبة وهو بيمسح على وشه: انا خارج هروح اطمن على جدي

جنة : تمام

مصطفى طلع اوضته بغضب لاقى نور قاعدة وماسكه اللاب بتاعه

مصطفى: انتي بتعملي ايه

نور : بحاول اتواصل مع حد عايزة احول ورقي لطب سوهاج

مصطفى وهو بيروح يعقد على السرير اتكلم بجدية

: ورقك اتحول تقدري تروحي من بكرة

نور : بالسرعة دي

مصطفى: انا معيد هناك واعرف ناس ساعدوني فى الموضوع

نور : شكراً

تجاهلها وهو بينام بصتله اتكلمت بصوت عالي نسبياً

بقولك شكرا على فكرة

مصطفى: تصبحي على خير يا نور انا عايز انام

نور وهي بتمسك ايده : مالك

مصطفى وهو بيبص على ايدها اللى ماسكة ايده

: مليش

نور : هو انت بتحب جنة

مصطفى: لو كنت بحبها هطلقها ليه يعني وبعدين ايه السؤال دا هي الدكتورة نور بتغير ولا ايه

نور : مصطفى انا بحبك و نفسي تبطل معاملتك دي و نعيش مبسوطين مع بعض

مصطفى: انا مش هحب حد افهمي بقى متحطيش فى دماغك حاجه مش هتحصل يا نور ونامي فى ليلتك دي

نور بدموع : طب انا مش طايقة اقعد هنا ممكن انزل اقعد فى الجنينة تحت

اللهم صلي وسلم وبارك على سيدنا محمد وعلى اله وصحبه اجمعين ♥️

مصطفى: لا

نور : ليه طيب

مصطفى: الجنينة بتبقى مليانة غفر بليل هتنزلي تعقدي قدامهم

نور ببأبتسامة: تمام

حطيت راسها على صدره وغمضت عينيها: تصبح على خير

حس ان قلبه بدأ ينبض بشدة اثر قربها لدرجة انها بدأت تسمعه وتحسها

نور : انت كويس

مصطفى بضيق: ابعدي يا نور ابعدي الله يهديكي

نور ببأبتسامة وهي بتمرر ايدها على خده وبتتكلم برقة

: ليه يحبيبى

مصطفى بتوهان فيها: انتي عايزة ايه

نور : عايزة مصطفى الكويس يطلع ويمحي مصطفى اللى بيظهر للكل انه قاسي

مصطفى: انتي اكتر واحده انا ضايقتها انتي غريبه اوي

نور : انا مراتك واكتر واحدة تفهمك على فكرة

مصطفى: وانا مش عايزاك يا نور افهمي بقى مبحبكيش

نور بدموع والم شديد : تمام

جت تقوم مسك ايديها: رايحة فين

نور : هقوم اقعد فى البلكونة ممنوع برضوا

مصطفى: حطي حاجه على شعرك

نور : تمام

كامل : ادخل

لا حول ولا قوة الا بالله العلي العظيم ♥️

عيسى : صاحي يا جدي

كامل : تعال يعيسى

عيسى وهو بينام على السرير : الصراحة مقدرتش ابعد عنك قولت اجاي ابات معاك الليلية

كامل : هتفضل تهرب لحد امتى يا ابن كارم

عيسى : اهرب من ايه يا جدي

كامل : هتضحك على اللى مربيك يعيسى انت بفهمك اكتر ما بتفهم نفسك انت بتحب جنة يعيسى

عيسى بضحك عكس اللى جواه: جنة جنة دي اختي يا جدي جنة عندي زي حنين

كامل : انت تضحك على الكل الا انا يعيسى انا عارف انك بتحبها من ساعة ما كنتوا صغيرين بس اللى بعدك انك عارف انها بتحب مصطفى بس شوف النصيب ربك رايد انها تبقى مرتك انت

عيسى بتنهيدة حزن : مراتي اللى لما قربت منها عيطت يا جدي مراتي اللى فى قلبها حد تاني غيري

كامل : شوية وهترضى

عيسى: مبقتش تفرق خلاص انا اتعودت اسمع من الكل اد ايه جنة بتحب مصطفى اد ايه جنة نفسها مصطفى يرجع عشان تبقى معاه كنت بسمع كل دا منهم كنت بسمعها بتتكلم مع حنين وتقولها انها بتحب مصطفى

كامل : بس دلوقتي مين جوزها

عيسى : انت عارف ان الموضوع وهي مراتي بيوجع اكتر بكتير بلاش نتكلم فى الموضوع دا تاني يا جدي

كامل : طب روح لمرتك يا ولدي واتعود بلاش تفضل تهرب لو هتهرب انهاردة مش هتعرف تهرب بعد كدا

عيسى: تمام يلا تصبح على خير

كامل : وانت من اهله

دخل اوضته لاقى جنة نايمة راح قعد جانبها وهو بيتأمل ملامحها قرب منها وبص لها بعد عنها بصعوبة

عيسى : امسك نفسك مينفعش يعيسى بتقولي انك وحشة يجنة تعالي شوفي نفسك فى عيني وانتي هتعرفي انك ملكة يا جنة

استغفر الله العظيم الذي لا اله الا هو الحي القيوم و اتوب اليه ♥️

فى الصباح صحيت جنة ملقتاش عيسى بصيت على نور الحمام لاقته شغال قعدت على السرير بنوم عيسى خرج وابتسم على شكلها

عيسى : طب بتصحي ليه ادام عايزة تنامي

جنة : لازم انزل احضر الفطار معاهم

عيسى: مين اللى قال لازم نامي وانا هقولهم يطلعوا الفطار هنا وانتي مش مجبرة تعملي اي حاجه ويبقى حد من الستات اللى تحت يكلمك

جنة : مرات عمي كريمة بتضايقني لو اتأخرت فى الصحيان بتقولي انتي بتدلعي لو منزلتش هتبعتلي حد وهتزعقلي جامد كملت وهي بتقوم انا هاخد شاور فى السريع وانزل بسرعة

مسك ايديها واتكلم بجدية

: محدش فى البيت هنا يقدر يزعقلك وانتي انهاردة مش هتخرجي من الاوضة ويبقى حد يكلمك روحي نامي وانا هقولهم يطلعولك الفطار كمان ساعتين تكوني صحيتي باذن الله

جنة : شكراً بس انا ممكن انزل الكلية من بكرة

عيسى : تمام

فى مطبخ القصر

كريمة : الست جنة لسه منزلتش

صفاء ( ام مصطفى) : سبيها يا كريمة انهاردة صباحيتها اعتقي البت شوية

كريمة : ما انا نزلت يوم صباحيتي برضوا وحضرت الفطور والغدا والعشا العيلة وبعدين انتي مفكرة انها مفرحة ابني اوي اكيد هزعل لو كانت سمحتله يكلمها بود

صفاء: دا موضوع يخصهم هم يا كريمة وبلاش تتكلمي فى الموضوع دا عشان متكبريش الموضوع احنا ما صدقنا أن عيسى حل اللى حصل انبارح

كريمة: ايوا يختي ما هو ابنك يعملها وابني انا يدبس

دخلت نور المطبخ بصولها كل اللى واقفين فى المطبخ بغضب اتجاهلت نظراتهم و كانت لسه جاية تدخل بس

يتبع……نسيم العشق

البارت الخامس

كانت لسه جاية تدخل بس كريمة وقفتها وهي بتتكلم بغضب

: استني عندك المطبخ هنا محدش بيدخله غير ستات البيت أو الخدم وانتي مش من هوانم القصر ولا هتكوني

نور بدموع : عادي يطنط هدخل على اني من الخدم مفيش مشكلة

كريمة : اما بنختار الخدم بنخترهم على اساس انهم كويسين ومحترمين مش على اساس انهم بياخدوا الرجالة من مراتتهم يا صافيه

صافية : ايوا يا هانم

كريمة : اطلعي نادي لى اللى فوق دي قوليليها انزلي لمرات عمك فى المطبخ

صافية : حاضر يا هانم

نور : حضرتك فاهمة غلط يطنط انا مكنتش

كريمة بمقاطعة وصوت عالى: هي مش ناقصكي انتي كمان واحد متجوزيلي واحدة مبتحبوش والتاني جايبلنا بنت بلاد برا وتقولي طنط ومش طنط لا بجد ونعم اختيار شباب العيلة

كملت بغيظ وصوت عالى يا جنة

جنة سمعت صوتها جريت وكانت هتقع بس عيسى مسكها فضلوا يبصوا لعيون بعض اتكلم بتوهان فى عينيها اللى بتسحره

لا حول ولا قوة الا بالله العلي العظيم ♥️

عيسى : بتجري ليه

جنة : انت مسمعتش مرات عمي بتنادي عليا انا لازم انزل

شالها عيسى بحب كبير وحاطها على السرير برفق قعد قدامها

: نامي

جنة : لا انا هنزل هتيجي تضايقني

عيسى بغضب : محدش هنا يقدر يكلمك مهما كان لو عايزة تنامي نامي عايزة تنزلي انزلي مش عايزة يبقى متنزليش انتي مش مضطرة تعملي حاجه انتي مش عايزاها

جنة : انت خارج

عيسى : ايوا فيه اجتماع فى المجلس وبعدها همر على المصنع وبليل هروح الأرض اشوف الفلاحين

بصتله وابتسمت لاقيت نفسها بتضحك بتلقائية منها

عيسى بأببتسامة وتوهان فى ضحكتها: وايه بقى اللى بيضحك فى كلامي

جنة : اما بضحك بتضحكي ليه واما بعيط بتعيطي ليه اعملك ايه طيب

عيسى : انتي عارفه لو حد غيرك اتكلم معايا بالطريقة دي كنت عملت فيه ايه اظن انك عارفة

جنة بخوف وهي بتبلع ريقها: بضحك عشان انبارح انت قولتلي كملت وهي بتقلد صوته

: السؤال بتاع المتجوزين رايح فين وجاي منين دا مش انا اللى اتسأله و دلوقتي انت اللى بتقولي مخطط يومك

عيسى : انتي خايفة كدا ليه كمل وهو بيمرر ايده على خدها انتي خايفة مني يجنة انا اضايق العالم كله واضايق نفسي بس انتي لأ يجنة

جنة برقة وخجل : ليه

عيسى قرب منها وحضنها برفق مسكت فيه ابتسم على حركتها بحب كبير ميل على خدها غمضت عينيها ابتسم عليها واتكلم بهمس

: حسيتي باللى عايز اوصلهولك يجنة

اللهم صلي وسلم وبارك على سيدنا محمد وعلى اله وصحبه اجمعين ♥️

جنة : لا انا مش فاهمه حاجه بس مبسوطة اوي عيسى انت طلعت جميل اوي مش شبه ما كنت بتبين خالص دا الواحد كان بيخاف من الخوف وهو بيتكلم معاك وعارف بقى المشكلة الكبرى هو ان كل قرار بيتاخد فى البيت دا لازم عيسى يوافق عليه اللى هو جدي انا هدخل علمي علوم خدي رأي عيسى جدي انا هقدم طب بلغي عيسى وكأن عيسى رئيس جمهورية جنة

عيسى فضل يضحك على طفولتها بحب كبير : هههههه دا عشان جدي بياخد رأيي فى كل حاجه لانه شايف اني الوحيد اللى هنا عنده بعد نظر للمواضيع

جنة : الصراحة اه انت بتحل اى مشكلة مهما كانت كبيرة فى ثانية الا ثانية

كان لسه هيتكلم بس قاطعه خبط على الباب

عيسى بجدية: نعم

صافية : الست كريمة عايزة جنة هانم تحت يبيه

عيسى بصرامة: قوليلها عيسى بيه بيقولك جنة هانم مش هتنزل انهاردة وطلعوا الفطار هنا

صافية: تمام يبيه

جنة بخوف : انت كدا اعلنت الخلاف ما بيني انا ومرات عمي اللى المفروض دلوقتي حمايتي

عيسى : متخافيش محدش يقدر يزعلك وانا موجود

جنة : ما هو دا اللى مطمني يلا انا هنام بقى

عيسى : تمام وانا خارج هبقى ارن عليكى اشوفك عملتي ايه مع امي

جنة : متخوفنيش بالله عليك

عيسى : حاضر

خرج عيسى من الاوضة جنة بصيت لطفيه بفرحة

جنة : بجد دا عنده انفصام فى الشخصية الشخصيتين عكس بعض تماما معقول دا نفسه عيسى وانا مالي المهم انه كويس معايا وخلاص اما انام بقى

صافية بلغت كريمة باللى قاله عيسى

كريمة بعصبية : ماشي يعيسى بصيت على نور اللى كانت واقفة اتكلمت بغضب

: وانتي واقفة بتعملي ايه اطلعي برا يلا ومتجيش هنا تاني

نور فضلت واقفة كريمة راحت عندها و وقفت قدامها بضيق شديد لولا ايد مصطفى اللى مسكتها بصتله نور بعيون مليائة بالدموع مسك ايديها ومسح دموعها قدامهم بحنية مفرطة وقفها وراه وبص لكريمة بغضب مفرط

: انتي بأي حق تعامليها بالطريقة دي

كريمة بضيق: مين بيتكلم مصطفى اللى كان يحرج العيلة ولولا ابني كان زمان سمعتنا ادهورت فى البلد بسببه

مصطفى بغضب: مرات عمي نور عندي خط احمر ومسمحش لأي حد يكلمها كدا انا ساكت بس عشان انتي مرات عمي الكبير وزي ولدتي لكن بعد كدا انا مش هسكت

عيسى بجدية : فيه ايه صوتك عالي ليه

كريمة : اهلا بالكبير مراتك فين ايه هتمشيك على مزاجها من اول يوم انتوا مالكم فيه ايه شوية ستات هيمشكم

استغفر الله العظيم الذي لا اله الا هو الحي القيوم و اتوب اليه ♥️

عيسى بغضب : خلاص انهوا الموضوع دا مصطفى خد مراتك واخرج انتي كنتي جاية هنا تعملي ايه

نور : كنت عايزة اساعد مش اكتر انا اسفة يطنط لو ضايقتك مش قصدي انا والله نفسي بس تعتبروني منكم ومتزعلوش مني مستعدة اعمل اى حاجه عشان دا انا ربنا وحده اللى اعلم انا بحبكم وبقدركم اد ايه

مصطفى بغضب على شكلها حس انه اتوجع اكتر منها جدا

: انتي مش مضطرة تبرري لحد اي حاجه انتي بتعمليها والبيت دا بيتك اعملي فيه اللى انتي عايزاه

نور اتجاهلته وراحت وقفت قدام كريمة

: انا اسفة يطنط مش هكررها تاني عن اذنكوا

طلعت اوضتها مصطفى بص لعيسى واتكلم بغضب مفرط من غير ما يخاف من عيسى كان أهم حاجه بالنسباله نور و بس

: زي ما قولت جنة مراتك واستحالة تقبل بأي حد يضايقها لو بكلمة انا كمان بقولك اي حد هيزعل مراتي مش هرحمه

وسابهم وطلع لنور

عيسى : عاجبك كدا يا أما

كريمة بتوتر : وانا كنت قولتلها ايه يعني هي اللى بتكبر المواضيع

عيسى : انتوا تحمدوا ربنا ان جدي طلع الارض من بدري لو كان هنا كان هيزعل منكوا جدا سيبي جنة ونور فى حالهم يا اما كل واحدة فيهم فيها اللى مكفيها واه محدش يزعج جنة لما تعوز تنزل هتنزل

قال كلامه وسابهم وخرج

صفاء : عاجبك كدا يا كريمة يا ريت تسكتي بقى

كريمة : مش ناقصكي انتي كمان يا صفاء

طلع مصطفى ولاقى نور قاعدة على السرير وبتبكي بشدة

مصطفى: خلاص اهدي حقك عليا

نور بشهقات : انا مضايقة اوي عشان محدش طايقني فى البيت انا كنت طول الوقت بقول اهل جوزي دول هيبقوا اهلي وهنكون علاقتنا مع بعض حلوة بس بس مفيش حاجه من اللى كنت بتمناها حصلت

مصطفى: هي مرات عمي كدا والله مش بيطيق حد هنا حتى جنة كانت بتتعاملها اسوء معاملة مع انها واحدة من العيلة برضوا مرات عمي مبتحبش غير حنين بنتها هي الوحيدة اللى محدش بيقولها اعملي حاجه خلاص بقى بطلي عياط روقي كدا

نور وهي بتمسح دموعها شبه الاطفال: طب انا كدا هتكلم مع مين هنا انا كدا مليش حد لما انت تفتح المستشفى هتبقى طول الوقت مشغول وانا هعقد اكلم الحيطة صح

مصطفى بأببتسامة على طفولتها: فيه حنين وجنة اتصاحبي عليهم

نور : هيرضوا

مصطفى: مين حنين وجنة

نور : اه عشان يعني اكيد جنة مفكرة اني انا السبب فى انك طلقتها فأكيد مش هتسامحني

مصطفى: جنة !!!!

جنة مفيش اطيب واهبل منها بجد

نور بغيرة: من الواضح انك تعرفها اوي

مصطفى: اكيد انا قضيت عشرين سنة من عمري هنا مع جنة وحنين وعيسى

نور : يعني لو رحتلها دلوقتي واعتذرت منها تسامحينى صح

يتبع……..نسيم العشق

البارت السادس

“كانت من اسوء ايام حياتي وانا بسيب ابني عند اهلي وانا مضطرة اسافر بعيد غصب عني جدا يا ابني “

– كتبت الجملة دي فى مذكراتها وهي بتبكي بشدة و دموعها بتنزل على مذكراتها

عاصم : فريدة انتي فين بدور عليكي تحت مش لاقيكي ايه

اتجاهلته وهي بتحط مذكراتها فى درج مكتبها جت تخرج عاصم مسك ايديها

عاصم: لحد امتى هتفضلي تعاقبني على حاجه مكنتش بأيدي يا فريدة

فريدة ببكاء : عايزيني اعملك ايه وانت كنت السبب فى بعد ابني عني ٢٨ سنة ٢٨ سنة وانا ابني بعيد عني وعن حضني بسببك انت يا عاصم

عاصم : طب ما هو ابني انا كمان يا فريدة انتي مفكريني مش زعلان وقلبي مش موجوع عشانه

فريدة: لو كان قلبك موجوع عشانه وبتحبه زي ما بتقول ليه تخليني اعمل فيه كدا ليه يا عاصم دا جزاتي اني وثقت فيك وحبيتك وافقت اتجوزك من ورا اهلي و اول اما جتلك بأبني قولتلي انا قولتلك خليه قطعت الورقتين العادي اللى كانوا ما بينا و سيبتني انا وهو زعلانين من غير اي تفاهم خالص

عاصم : كنتي عايزني اعمل ايه انا كنت لسه مهندس صغير فى مصنع ابوكي ابوكي مكنش هيوافق بيا وقتها يا فريدة

فريدة بعصبية مفرطة : يا ريته ما كان عرف اللى ما بينا يا ريته ما كان طلب مني اتجوزك عشان نصلح الوضع كله وسط الناس يا ريتني ما اتسرعت فى قراري فى اليوم اللى وافقت فيه اكلمك وقتها دلوقتي بقيت مجبورة اعيش معاك وامثل على الناس كلها اني بحبك عشان كريم ابني كان فى الاول عشان ابويا و دلوقتي عشان ابني انا بكرهك يا عاصم بكرهك

لا حول ولا قوة الا بالله العلي العظيم ♥️

عاصم : طب اعمل ايه عشان تسامحيني يا فريدة قوليلي اعمل ايه وانا هعمل كل اللى انتي عايزاه

فريدة : رجعلي ابني رجعهولي رجعهولي وانا هسامحك والله انا بتعب وهو بعيد عني

عاصم: طب اجيبه منين احنا سألنا فى سوهاج كلها وملوش اي أثر

فريدة: كانا فضلنا قاعدين فى سوهاج

عاصم : انا شغلي كلها هنا فى القاهرة يا فريدة واحنا لفينا سوهاج كلها وملوش اثر نعمل ايه اكتر من كدا

فريدة ببكاء: مش عارفه اعمل اي حاجه بس رجعلي ابني رجعهولي يا عاصم

كريم : ايه دا مالك يماما انتي بتعيطي ولا ايه

فريدة وهي بتمسح دموعها: مفيش يحبيبى انا كويسة

كريم : للاسف نقالوني للتدريس فى طب سوهاج

فريدة: سوهاج ليه كدا

كريم : محتاجين معيدين هناك فهضطر اني اروح

فريدة: تمام يحبيبى ربنا يوفقك

كريم : يلا انا هروح احضر شنطتي عشان مسافر بليل

عاصم : خد بالك من نفسك

كريم : متقلقش يا حاج يلا عن اذنكوا

فريدة حضنته بقوة وهي بتبكي بشدة : خد بالك من نفسك وابقى طمننا عليك

كريم : بتعيطي ليه طيب متخافيش يا ماما انا مش رايح اسافر

فريدة: مش هستحمل انت كمان تبعد عني والله كفاية واحد

كريم بأستغراب : مين

عاصم وهو بيتكلم بسرعة: قصدها عليا يحبيبى عشان انا يسافر كتير بحكم الشغل وكدا وأمك بتفضل. لوحدها

كريم : كل اجازة هاجي باذن الله يلا عن اذنكوا عشان هسافر بالعربيه

استغفر الله العظيم الذي لا اله الا هو الحي القيوم و اتوب اليه ♥️

خرج كريم وفريدة قعدت على السرير وهي بتبكي

: ليه البلد دي بتاخد مني كل ولادي ليه

عاصم : اهدي يا فريدة انا خارج دلوقتي عشان عندي شغل فى الشركة

بصتله فريدة بسخرية: امشي يا عاصم محدش قلبه موجوع غيري امشي شوف شغلك وانا هفضل هنا اعيط على ابني اللى فقدته بأيدي

فى شركة النويري للمعمار

: فيه خبر مش كويس يا فندم

عاصم : وانت من امتى وانت بتجيب اخبار حلوة يا محمود قول ما هي ناقصك انت كمان

محمود ( مدير اعمال عاصم و دراعه اليمين) : مناقصة الحديد

عاصم بأنتباه : مالها

محمود بخوف شديد من رد فعل عاصم وهو بيبلع ريقه

: عيسى الجبالي خدها

عاصم بغضب وعصبية مفرطة: انت بتقول ايه ازاي يا شوية مهملين

محمود : عيسى الجبالي مش سهل يا فندم واي واحد بيدخل قصاده اكيد بيخسر

عاصم : وانت بقى جاي تعرفني عليه امشي من وشي

محمود خرج بسرعة وهو خايف بشدة من عاصم

عاصم بغضب مفرط: عيسى عيسى عيسى كل شوية يطلعالى ويبوظلي شغلي بس لا مش هسيبه كتير كدا

نور : هاا سكت ليه لو رحتلها تسامحيني ونبقى صحاب

مصطفى: مش دلوقتي يا نور سبيها اما تهدى شوية عشان متعملش ردة فعل مش هتعجبك

نور بحزن : تمام

مصطفى بحنية : متزعليش

نور : حاضر هو انت خارج

مصطفى: ايوا هروح الكلية اظبط ورق نقلي عشان باذن الله هبدأ شغل من بكرة

نور : تمام ربنا يوفقك

مصطفى: يلا عايزة حاجة

اللهم صلي وسلم وبارك على سيدنا محمد وعلى اله وصحبه اجمعين ♥️

نور بتلقائية وتوهان فيه : عايزاك انت وبس يمصطفى

مصطفى وهو بيزحليها شعرها ورا ودنها: شكلك كدا احلى بكتير تصدقي

نور بدموع : هو انت ليه مبتحبنيش يمصطفى هو انا وحشة

مصطفى وهو بيمسك ايدها : انا اللى وحش اوي يا نور ومستهلش حبك ليا

نور : بس انا عمري ما شوفتك وحش كملت وهي بتحضنه بقوة اقبلني كزوجة ليك يمصطفى وانا والله هعمل المستحيل عشان اخليك تحبني

مصطفى طلعها من حضنه وقرب من خدها وهو بيبتسم لها بهدوء ويتكلم معها برفق شديد باحترام كبير جدا وبكل هدوء ومودة صادق

نور وهي بتغمض عينيها: مصطفى

مصطفى بعد عنها بصعوبة وهو بيمسح على وشه اتكلم بغضب : مينفعش مينفعش يا نور انا ماشي

سابها وخرج بسرعة ابتسمت عليه بحب كبير وخجل

: مش هتفضل كدا كتير يمصطفى اكيد هيجي اليوم اللى تعترف فيه بحبك ليا

فى المساء عيسى جيه ولاقى جنة قاعدة على السرير وماسكة الكتاب فى ايدها

عيسى : ربنا يعينك يا دكتور

جنة : انت اتأخرت كدا ليه انت عارف ان من ساعة ما انت خرجت وانا مش عارفه انزل تحت من خوفي

عيسى راح عندها وقعد قدامها: هنعقد نعيد ونزيد فى نفس الكلام كل شوية يا جنة قولتلك متخافيش من حد

جنة : طب انت اتأخرت ليه

عيسى : انا سافرت القاهره انهاردة ولسه راجع

جنة : ليه

عيسى : كان فيه مناقصة مهمة جدا

جنة : وعملت ايه

عيسى : السؤال دا ميتسألش لعيسى الجبالي لاني معروفة اني بتفاهم مع اي حد قصادي

جنة بأعجاب : واو مش بقولك بتحل اي مشكلة في ثانية الا ثانية

عيسى سرح فيها وهو بيتكلم فى نفسه

: ما عدا الفوز بقلبك يجنة هي دي الحاجة الوحيدة اللى مش عارف احلها

جنة هزت بأيدها قدام وشه : ايه روحت فين

عيسى : معاكي أهو

جنة : هو انا ممكن اسألك سؤال

عيسى : اكيد

جنة : هو انت ليه برا بتبقى بشخصية ومعايا انا بالذات بشخصية تانية خالص

عيسى : افهمي دي لوحدك يجنة انا مينفعش اقولك يلا انا هقوم اخاد شاور عشان انام لاني تعبت اوي انهاردة

جنة: ممكن اروح اقعد مع حنين شوية فى اوضتها

عيسى: ممكن تخليكي معايا انهارده انا محتاجك اوي يجنة انا جاي تعبان من الشغل انهاردة وعايزاك جانبي حنين مش هطير

جنة بخجل و رقة : ماشي

عيسى قام بسرعة دخل الحمام وهو بيحاول يتحكم فى ضعفه قدامها

بعد ربع ساعة جنة كانت قاعدة بتقلب فى فونها

عيسى بصوت عالى نسبيا: جنة ممكن الفوطة لو سمحتى

جنة بخجل : حاضر

اخدت الفوطة من الدولاب خرج ايده من ورا الباب

عيسى : هاتي يا جنة

جنة بخجل وتوتر : اتفضل

حسيت بدوخة وكانت هتقع لولا ايد عيسى اللى سندتها فى الوقت المناسب خرج من الحمام بسرعة وهو بيسندها وكان لابس بنطلون ولابس قميص

عيسى بخوف شديد : جنة انتي كويسة حاسة بى ايه

جنة بخجل شديد حاولت تبعد بس كانت دايخة مسكت فيه اكتر

عيسى بحنية وخوف : مالك فيه ايه

جنة : احتمال يكون ضغطي واطي قضيت اليوم كله فى النوم وماكلتش حاجه

عيسى شالها بحنية مفرطة وحاطها على السرير برفق

: اقعدي هنا انا هنزل اقولهم يطلعوا الاكل هنا

جنة بغيرة : هتنزل كدا

دخل غرفة الملابس ولبس تيشرت اسود ابرز عضلاته جنة بصتله بأعجاب شديد نزل المطبخ

عيسى : صافية هاتي العشا بسرعة

صافية : حاضر يبيه

عيسى اخد الصنية من صافية

صافية: عنك انت يبيه انا هطلعها

عيسى : لا خليكي انتي اعملي عصير برتقال للهانم وطلعيه

اخد عيسى الصنية وهو خارج من المطبخ قابل كريمة

كريمة بغضب وهي بتبصله : واخد الوكل لحد عندها عشنا وشوفنا

عيسى : نتكلم فى الموضوع دا بعدين يا اما انا لازم اطلع دلوقتي

طلع عيسى بسرعة وخوف على جنة من قبل ما كريمة ترد عليه

فى الأرض الزراعية كامل كان قاعد مع صاحبه نوح وقاعدين وبيشربوا شاي

نوح : عرفت أن عاصم النويري لسه بيدور على ابنه لحد دلوقتي

كامل بخوف : محدش هيقدر ياخده مني انا اللى ربيته وكبرته انا اللى خليته راجل فى الوقت اللى اتخلوا عنه و سيبوه عند الناس من ٢٨ سنة فاتت ميستهلوش انه يكون معاهم

نوح : اشمعنا هو يا كامل طب ما انت عندك احفاد غيره عرفه مين اهله الحقيقين وسيبه هو اللى يختار لكن اللى انت بتعمله دا كدا هتبقى بتظلمه وبتظلم اهله لو عرف من حد تاني غيرك هيزعل يا كامل انت عارفه كويس

كامل بخوف شديد: وهو ايه اللى هيعرفه محدش يعرف الموضوع دا غيري انا وانت محدش هيقوله فينا انا استحالة اتخلى عن عيسى حتى لو مش من صلبي ولا من صلب ابني بس انا اللى مربيه وانا بس اللى ليا حق فيه

يتبع……..نسيم العشق

البارت السابع

طلع عيسى بالصنية لاقى جنة نايمة راح عندها وهو بيدقق فى ملامحها مرر ايده على خدها بحب كبير واتكلم بهمس

: مكنش ينفع اتجوزك وانتي بتحبي غيري يا جنة انا اخدت من الدنيا كل حاجه ما عدا اكتر حاجه انا عايزاها وبتمناها اللى هي انتي وبس مش عارف ليه القدر جمعني بيكي وايه هي حكمة ربنا فى دا بس هنسبيها للوقت

اتكلم بصوت عالى نسبياً : جنة جنة

جنة قامت بكسل : نعم

عيسى : يلا عشان تاكلي

جنة بصدمة: عيسى انت شليت صنية الاكل قدام الناس اللى تحت وطلعت بيها بنفسك

عيسى: ايوا يلا لازم تاكلي

جنة بخوف : ايوا ايه وقولي كمان ان مرات عمي كريمة شافتك

اللهم صلي وسلم وبارك على سيدنا محمد وعلى اله وصحبه اجمعين ♥️

عيسى راح جاب الصنية من على التربيزة وحاطها قدامها على السرير : يلا يا جنة

بدأ يأكلها بحب بصتله بخجل شديد

جنة : خلاص انا هاكل لوحدي

عيسى : لا عشان اطمن انك كلتي كويس ما هو يا تاكلي يا هاخدك و نروح المستشفى وهم بقى يتعاملوا مع الدوخة دي

جنة : خلاص هاكل

عيسى : انتي بتنامى كتير كدا ليه

جنة بتوتر : عادي

عيسى : تمام يلا كلي

مصطفى: انتي لسه صاحية

نور : انت كنت فين كل دا كل دا بتجهز ورق

مصطفى: عديت على ناس صحابي والقاعدة خدتنا

نور بعصبية: طب على الاقل كنت رنيت عليا و قولتلي بدل ما انا قاعدة مستنياك كدا من بدري وقلقانة عليك

مصطفى: نور صوتك ميعلاش وانا اصلا ارن عليكى واقولك ليه احنا مش زي اي اتنين متجوزين فاتاخرت أو بايت برا دا شئ ميخصكيش تمام

نور بدموع: انا بس كنت خايفة عليك تمام انا آسفة تصبح على خير

اتجاهلها و دخل جاب هدوم و دخل الحمام

نور بدموع من معاملته : اجبلك تتعشى

مصطفى: لا شكراً كلت برا نامي

نور : ماشي

خرج من الحمام ولاقها لسه صاحية

مصطفى وهو بينشف شعره : مش قولتي هتنامي

راحت عنده و خدت منه الفوطة وبدأت تنشف شعره بحب بص فى عينيها بحب واتكلم بتوهان

: روحي نامي يا نور

نور : متأكد انك عايزني انام يحبيبي

مصطفى بضعف وهو بيبلع ريقه : اها

نور وهي بتحضنه بحب : متأكد يعني متأكد

مصطفى بتوهان : نور نامي بقى وخلي ليلتك تعدي على خير

نور : انت عارف انك وحشتني اوي اوي انهاردة ممكن متتأخرش عليا تاني

اقترب منها بهدوء شديد واتكلم بهمس: حرام عليكى يا نور انتي مش بتضايقي غير نفسك كفاية بقى

نور : انا بحبك

مصطفى: مش هينفع

نور بتحدي وهي بتحاول تعصبه : ليه عشان تحافظ عليا لانك كدا كدا هتطلقني وغيرك هياخدني

مصطفى بغيرة : مين غيري و مين قال اني هطلقك اصلا

نور : أحدهم

شدد من مسكته ليها بغضب لدرجة انها حسيت ان متضايقة جدا من كلامه وقتها

نور بألم و دموع : مصطفى

مصطفى : اياكي اسمعك بتقولي الكلام دا تاني انتي فاهمة

نور بدموع: حاضر

مصطفى بغضب: روحي يا نور نامي

نور بقلة حيلة: تمام انت مش هتنام

مصطفى: وانتي مالك انام أو لا شئ ميخصكيش نامي بقى وخلي ليلتك تعدي

لا حول ولا قوة الا بالله العلي العظيم ♥️

نور : انا هروح الكلية بكرة معاك

مصطفى: مش عايز حد يعرف اني متجوز روحي بتاكسي أو فى العربية اللي هتوصل حنين و جنة هم الاتنين معاكي

نور بدموع : لدرجة دي تمام تصبح على خير يا دكتور مصطفى بعود نفسي على اللقب من دلوقتي عشان مقولش مصطفى قدام حد ويعرفوا اننا متجوزين كويس كدا

مصطفى بضيق : انا نازل الجنينة

جنة : انا هنام تصبح على خير

عيسى : وانتي من اهل الخير

جنة : مش هتنام

عيسى : لا هطلع البلكونة شوية

جنة : تمام

دخل عيسى البلكونة ولاقى مصطفى قاعد وباين عليه الحزن لما شافه حاطط راسه بين ايديه قرر انه ينزل يشوفه كان لسه هيخرج من الاوضة جنة بصتله بنوم

جنة بنوم : رايح فين بتسيبني ولا ايه

عيسى ببأبتسامة: نامي يهبلة انا نازل تحت الجنينة

بص عليها لاقها راحت فى النوم نزل الجنينة، لاقى مصطفى قاعد راح عنده ، شد الكرسي وقعد جانبه

عيسى : مالك

مصطفى بص لمصدر الصوت لاقى عيسى اللى قاعد جانبه اتنهد بضيق : مفيش

عيسى : والله اوماال قاعد كدا ليه هتخبي على اخوك يمصطفى

مصطفى: انت مش اخويا وعمري ما هعتبرك كدا بطل تمثيل انك بتحبني وان يهمك مصلحتي من امتى وانتوا بيهمكوا مصلحتي اصلا كل اللي هنا فى العيلة بيحبكوا انت انما انا محدش بيهموا امري على طول ببقى لوحدي فمتجيش دلوقتي وتمثل دور الكبير اللى واخد باله من العيلة كلها مع أن الفرق ما بيني وبينك تلت سنين بس

استغفر الله العظيم الذي لا اله الا هو الحي القيوم و اتوب اليه ♥️

عيسى : خلصت خلاص كلامك اسمعني انا بقى انا مش بمثل انت فعلا امرك يهمني حزنك بيزعلني وفرحك بيفرحني انت اخويا غصبن عنك و صدقت أو لا اني اخوك دي حقيقه محدش يقدر يغيرها وخليك عارف ان اخوك الكبير ديما فى ضهرك لو احتاجت اي حاجه ومش بمزاجك واكيد هيجي اليوم اللى هتعرف فيه ان كل دا مش مجرد تمثيل لا مني ولا من جدك لو احنا بنكرهك زي ما بتقول مكناش وافقنا تعيش معانا هنا بعد كل اللى عملته فى بنت عمك اليتيمة اللى ملهاش غيرنا اعقل يمصطفى بدل ما

هضيع من ايدك كل حاجه حلوة و أولهم مراتك

مصطفى: حكيم اوي انت يعيسى بتقدر تضحك على عقول الكل بكلامك بس للاسف مش هتعرف تضحك عليا

كامل : مالكوا انتوا بتتجادلوا ولا ايه

مصطفى بسخرية : على اساس اني لو قولتلك اه هتقف معايا طبيعي هتقف مع حبيب قلبك المفضل عندك سيدة النائب انا طالع انام

قال كلامه وسابهم ومشي

كامل : هو ماله فيه ايه

عيسى : ما انت عارف مصطفى يجدي سيبه شوية وهيفك

كامل : عملت ايه فى المناقصة

عيسى : خدنها يجدي متقلقش

كامل : مين اللي كان قصادك فى المناقصة صحيح

عيسى : عاصم النويري

كامل بصدمة و خوف شديد : بتقول مين

يتبع………نسيم العشق

البارت الثامن

عيسى: عاصم النويري

كامل بخوف شديد: بتقول مين

عيسى: عاصم النويري يجدي فيه ايه

كامل بصوت عالى: اوعى تاني مرة تدخل قصاد الراجل دا تاني انت فاهم

عيسى بأستغراب وهو بيقوم يقف : اهدى يجدي فيه ايه

كامل بغضب : انا قولت كلامي يعيسى شغل مع الراجل دا بالذات مفيش

عيسى: انا و هو بنشتغل فى نفس المجال يجدي فطبيعي هنتقابل كتير وهنكون قصاد بعض كتير عاصم النويري من أكبر المنافسين لينا

كامل : ابعد عن الشغل دا اقفل شركة المعمار كفاية المصنع

عيسى : انت بتهزر صح جدي انت عارف انا تعبت اد ايه عشان اوصل الشركة للمكان اللي وصلتله دلوقتي جاي تقولي اقفلها جدي انت عارف انا بحترمك اد ايه بس دا تعب سنين وكمان مفيش اي سبب مقنع لى اللى بتقوله

كامل فى نفسه بخوف : ايه اللى انت بتعمله دا يا كامل كدا هتخليه يشك اكتر حتى لو كان قصاده هو كدا كدا مش هيعرف حاجه ربنا يستر

عيسى: جدي روحت فين انت كويس

كامل : ايوا كويس انا بس خايف عليك يا ولدي انت عارف ان عاصم النويري مش سهل

عيسى : بتتكلم وكأنك اول مرة تعرف حفيدك يجدي متخافش عليا

كامل : ماشي يا ولدي بس حاول تبعده على اد ما تقدر

عيسى : حاضر يلا انا طالعة انام بقى انهاردة كان يوم متعب

كامل : ماشي يا ولدي ربنا يعينك

عيسى وهو يقبل ايده : تصبح على خير

كامل ببأبتسامة: وانت من اهله

بص كامل لطيف عيسى واتنهد بحزن: معقول اكبر منافس ليك فى شغلك هو ابوك اللي انت من لحمه و دمه ربنا يستر من الجاي

طلع عيسى الاوضة ولاقى جنة نايمة راح نام جانبها وهو بيسند راسه بأيده بصلها بحب كبير

عيسى بهمس : كنتي بتسألي ليه يعيسى بتبقى معايا بشخصية تانية خالص غير الشخصية اللى بتبقى فيها مع الناس دا لأن عيسى الطفل بيبقى معاكي انتي يجنة مش برتاح مع امي اللى ولدتني اد ما برتاح معاكي يااه لو فوزت بقلبك مش هبقى عايز اي حاجه من الدنيا عيسى الجبالي اللى بنات مصر كلهم بيجروا وراه قلبه نبض لواحدة بتحب غيره الكلام دا بيوجعنى اوى اوى يجنة بحس ان قلبي بيوجعني كل اما افتكر انك بتحبي اخويا كمل وهو بيمسك أيدها و بيطبطب بحب بحبك بحبك اوي يجنة اقترب منها بهدوء شديد وهو مبتسم بحب

عيسى: امسك نفسك مينفعش هي قبل اي حاجه بنت عمك بدأت اخاف عليها من نفسي

خد الباطنية وحاطها على الكنبة ونام عليها فضل يبصلها لحد اما غمض عينيه

دخل مصطفى المطبخ وهو بيبص يمين وشمال و وراه و هو خايف بشدة من ان حد يشوفه

مصطفى وهو بيتنهد براحة: كويس ان مفيش حد هنا المرة اللى فاتت الست جنة كانت موجودة و معرفتش اعمل حاجة

طلع ازازة صغيرة فيه سكر ابيض حاطها فى كوباية وقعد على تربيزة السفرة وبدأ يشربها بهدوء وهو مغمض عينيه وتايه

مصطفى: مش عارف من غيرك كنت ممكن اعمل ايه فى نفسي كمل بعصبية وهو بيبعد الطبق من قدامه بهدوء شديد جدا جدا

: انا واحد وحش مستهلش حد مستهلكيش يا نور افهمي بقى

– قعد على الكرسي ومسك كتاب من الموجودين على الترابيزة وقعد يقرا فيه بهدوء شديد جدا دخلت نور لاقته قاعد على الأرض وايده بتوجعه راحت عنده بخوف شديد وقعدت جانبه

نور بخوف شديد: مصطفى مصطفى ايدك ايه اللى حصل

مصطفى بغضب مفرط: ابعددددي اطلعي نامي امشي ملكيش دعوة بيا

نور : اكيد مش هسيبك وانت كدا تعال معايا

– خدته و حطيت ايده تحت المية عشان توقف الالم بخوف شديد منها وقعدته على الكرسي لاحظت ان فيه علبة اسعافات موجودة على الرف راحت جابتها بسرعة و قعدت على الكرسي جانبه وبدأت تعقم الالم

مصطفى بدموع: امشي يا نور

نور : ليه يمصطفى

مصطفى: امشي عشان متتضايقيش بقولك امشي اطلعي وسبيني

نور بصيت للأرض : هو ايه اللي انت عملته دا ايه اللى كان فى الطبق

مصطفى بخوف شديد: بقولك اطلعي امشي

نور اتجاهلته و راحت عند الطبق بصيت بأستغراب

: ايه دا

مصطفى بخوف : دقيق

نور : تمام هنضفه ونطلع

مصطفى بخوف شديد اتكلم فى نفسه: نور لو مسكته هتعرف لأنها دكتورة لأ لأ لأ انا لازم امنعها

راح عندها و مسكها برفق وهو بيبعدها : قولتلك امشي اطلعي

كانت هتتكلم بس قاطعها مصطفى وهو بيخرجها برا المطبخ

: امشي يلا اطلعي فوق بقولك

نور بدموع : آسفة انا غلطانة عشان خفت عليك

طلعت نور بص لطيفها بحزن كبير وضيق من نفسه دخل المطبخ بسرعة نضف المكان وطلع اوضته لاقى نور قاعدة على السرير بتعيط

مصطفى: نامي يا نور وبطلي عياط

نور : حتى كمان مش عايزيني اعيط على اللى بتعمله فيا ليه تاخدني بسبب ابويا انا ذنبي ايه انه طردك من المستشفى

ساب كرسي التسريحة واتكلم بغضب مفرط

بطلي كل شوية تفكريني بطلي اه خدتك عشان اضايق ابوكي شوية بس معرفتش اضايقك ليه كل شوية انتي اللي بتضايقني بكلامك ليه يا نور كفاية بقى

نور : ادام انت مش طايقني كدا طب ما طلقني ارمي عليا يمين الطلاق وخليني اخرج من البيت دا و اروح عند بابا و اخويا

لا حول ولا قوة الا بالله العلي العظيم ♥️

مصطفى بسخرية : مش دلوقتي يا نور هطلقك بس مش دلوقتي طول ما انتي معايا طول ما ابوكي قلبه موجوع عليكي لكن لو سابتك وطلقتك دلوقتي مش هبقى استفدت اي حاجه و بطلي تختبري صبري اكتر من كدا عشان مضايقكيش انا ماسك نفسي عليكي وعلى تصرفاتك بالعافية

نور بدموع : عارف يمصطفى وجودي معاك فيه فايدة ليا برضوا لانه بيخليني ازعل و دا بالنسبالي احسن لاني مش عايزة احب واحد زيك انت بني ادم مريض نفسي بجد

قالت كلامها و هي بتشد الباطنية عليها وبتنام ببرود عكس اللى جواها من حزن كان عايز يروح عندها وياخدها فى حضنه ويطبطب عليها

مصطفى: لا الأحسن انك تزعليني يا نور واحد بقلبه الصعب زيي ميستاهلش قلبك الطيب دا يا نور

اخد باطنية من الدولاب ونام على الكنبة

فى الصباح فى بيت عاصم النويري

صحي عاصم وكانت فريدة لسه نايمة بصلها بحب كبير واتكلم بهمس

: يا ريت لو اعرف مكان ابننا فين كنت جابته وكنتي هتسامحيني يا فريدة كنت هخليه مهندس كبير وكان اكيد هيساعدني اكيد كان هيقق معايا قصاد عيسى الجبالي بس انا اقدر عليه لوحدي

فريدة : انت بتعمل ايه هنا يا عاصم

عاصم : عادي يا فريدة نايم فى اوضتي

فريدة بجدية : بعد كدا انت هتنام فى اي اوضة تانية غير دي كريم دلوقتي مش موجود فاحنا مش مضطرين نمثل على حد اننا بنحب بعض

عاصم: بس احنا بنحب بعض يا فريدة ايه نسيتي الحب الكبير اللى كان ما بينا واللى كان نتيجته ولدين

فريدة : وهم فين الولدين دول واحد منهم ضاع بسببك ضيعت حتة مني ومن روحي بسببك يا عاصم

عاصم : كفاية بقى يا فريدة كفاية بقى ٢٨ سنة وانتي بتزعليني

فريدة: اليوم اللى هترجعلي ابني لحضني وقتها هسامحك غير كدا متستناش مني اي حاجه

قالت كلامها وهي بتدخل الحمام بص لطفيها واتنهد بحزن

صحيت جنة لاقيت عيسى نايم على الكنبة لاقيت نفسها بتروح عنده قعدت جانبه وهي بتبصله مكنتش قادرة تشيل عينيها من عليه مشيت ايدها على وشه بحنية منها

جنة : شكلك جميل اوي وانت نايم نفسي واعرف ازاي كتلة الجمال و اللطف دا يبقى ابن مرات عمي كريمة بس طبيعي انك تبقى كدا مش تربية جدي

صحي عيسى على حركة اصابع على وشه بص لاقها جنة بصلها بحب كبير وهو بيمسك ايدها

عيسى: صباح القمر

استغفر الله العظيم الذي لا اله الا هو الحي القيوم و اتوب اليه ♥️

جنة بخجل : صباح الخير

جت تقوم عيسى مسك ايديها واتكلم بحب وتلقائية : تصدقي أن احلى صباح اني صاحي على كلامك

جنة بخجل شديد: هجبلك غيار وانت قوم خد دوش

عيسى وهو يمسك ايديها: تمام شكراً

بصيت للأرض بخجل رفع وشها بحب و اتعدل وقعد قصدها قربها منه و اقترب منها بهدوء شديد غمضت عيونها بحب واتكلمت بهمس

: عيسى

عيسى : اممم

فضلوا كدا فترة من الوقت لحد اما الباب خبط بعد بصعوبة انتهزت جنة الفرصة و قامت من قدامه بسرعة ضحك عليها وعلى طفولتها بحب سرعان ما اتحولت ملامحه للجدية و راح عند الباب وفاتحه بعد ما اتأكد ان جنة دخلت الحمام

عيسى بجدية: ايوا

: كامل بيه بيقولك يبيه ان الفطار بيجهز ومستنين حضرتك انت و جنة هانم

عيسى : تمام شوية و نازلين

نزلوا عيسى و جنة تحت وكانوا كل العيلة قاعدين على السفرة بما فيهم مصطفى و نور

عيسى بجدية: صباح الخير

الكل: صباح الخير

جنة : جدي انا هروح الكلية انهاردة بعد اذنك طبعاً

كريمة بغضب: هو ايه اللي هتروحي الكلية انهاردة انتي لسه متجوزة اول انبارح الناس تقول ايه مسيطرة عليه وخلاته ينزلها الكلية تاني يوم جوزاهم انتي تعقدي على الأقل شهر فى البيت تهتمي بجوزك

عيسى بجدية: اما انا مش معترض وانا اصلا بروح شغلي يعني مش قاعد في البيت على طول فمفيهاش حاجه لو جنة راحت كليتها

جنة بصيت لعيسى وابتسمت و فى نفس الوقت خافت من كريمة

كامل : ادام جوزك موافق يبتي روحي

جنة : تمام

عيسى: الحمد لله

كريمة: انت ماكلتش حاجة

عيسى: هبقى اكل فى المصنع

كامل : خد مرتك واختك فى طريقك

عيسى : تمام كلوا براحتكوا انا هستنكوا برا

نور : طب ينفع اروح الكلية انا كمان بعد اذن حضرتك

كامل ببأبتسامة: اول هام انا مسميش حضرتك انتي مرات حفيدي قوليلي جدي انتي بقيتي زي جنة و حنين تاني هام انا هقولك زي ما قولت لجنة لو جوزك موافق روحي

مصطفى بضيق : انا قايم

كامل : خد مرتك معاك

مصطفى: تمام

فى كلية الطب جامعة سوهاج

جنة : عيسى انت جاي معانا

عيسى : ايوا هدخل لواحد صاحبي شغال هنا بقالي كتير مشوفتوش وبما اني هنا هدخل اسلم عليه وامشي

حنين: ماشي يا ابيه يلا

دخلوا تحت نظرات الإعجاب من كل الطالبات لعيسى بصتلهم جنة بغيظ جنة كانت جاية تدخل بس اصطدمت بواحد صدفة تحت نظرات الغيرة الشديدة من عيسى

كريم بإعجاب : انا آسفة يا دكتورة بس مخدتش بالي

جنة : ولا يهمك

جت تمشي بس كريم وقفها: انتي فى سنة كام

اللهم صلى وسلم وبارك على سيدنا محمد وعلى اله وصحبه اجمعين ♥️

عيسى بغضب مفرط وهو بيقف ما بين جنة و كريم : وانت مالك بقى يخفيف هي فى سنة كام

كريم : انت مين وبتتكلم معايا كدا ليه اصلا

عيسى : انا

معتز بمقاطعة : عيسى ازيك عامل ايه عاش من شافك يا عم

عيسى بص لجنة واتكلم بصرامة : ادخلوا على المدرج بتاعكم

جنة : تمام

دخلت جنة بخوف من عيسى كريم بص لجنة بأعجاب واتكلم بتوهان فيها تحت نظرات عيسى : هو فيها قمر كدا

يتبع……….نسيم العشق

البارت التاسع

عيسى اتكلم بقوة واتكلم بغضب مفرط: انت زودتها اوي جدا جدا جدا جدا

جنة وحنين رجعوا بخوف شديد وخصوصاً جنة اللي مش فاهمة ليه عيسى بيعمل كدا

معتز راح وقف فى نصهم وهو بيحاول يهدي عيسى اللي كان متضايق جدا جدا

معتز: يعيسى اهدى خلاص يعيسى

عيسى اتكلم بهدوء وهو بيحاول يهدى من كلامه لكريم

: ابقى فكر بس تكلمها بأدب تاني اللي عملته دا مش مقبول ابدا ابدا

معتز :- خلاص اهدى تعال نعقد فى مكتبي

عيسى بعصبية مفرطة وصوت نبه كل الطلاب اللى كانوا واقفين بيتفرجوا وخصوصاً جنة و حنين

:- قولتلكوا ادخلوا واقفين بتعملوا ايه

حنين بخوف من تحوله : حاضر يا ابيه

كريم كان واقف مكانه بيحاول يهدى نفسه حط ايده على كتفه بص حواليه بهدوء قام بسرعة واتكلم مع عيسى بهدوء وادب

جنة بخوف شديد: عيسى

عيسى كان رايح عنده بس معتز وقفه

:- خلاص يعيسى ابوس ايدك

عيسى بغضب وهو بيحاول يروحله بس ايد معتز كانت ماسكه

:- اوعى يمعتز بقى بتكلم عيسى الجبالي يالا والله لهندمك ندم عمرك

كريم ببرود : وايه يعني عيسى الجبالي انت اللي ابتديت و دا رد فعلي

ضحك عيسى بسخرية عليه

:- متبقاش تزعل بقى

مشي كريم وهو بيحاول يتجاهله بس ميقدرش ينكر هو اد ايه كان خايف منه

فجسد عيسى اقوى وكمان كلامه قوي لأي حد قدامه ، راحت جنة وحنين بسرعة لعيسى ، ظهر الخوف والقلق على ملامح جنة ، راحت عنده وهي بتبص على الالم اللي جنب شفايفه بخوف وقلق

جنة : عيسى انت كويس

عيسى بصلها بحنية وهو بيطمنها

:- اهدوا متخافوش وادخلوا المحاضره بتاعتكوا هتتأخروا

جنة بخوف وتلقائية : انا معنديش محاضره دلوقتي ومش هسيبك وانت كدا اطمن عليك الأول

عيسى بحب و توهان في جنة كان حاسس ان قلبه من فرحته بخوفها عليه

• طب روحي انتي على محاضرتك يحنين

حنين: ماشي يا ابيه

معتز:- تعالوا اقعدوا في مكتبي

مسكت جنة ايد عيسى ، بص لايدها الماسكة ايده وابتسم بحب

لا حول ولا قوة الا بالله العلي العظيم ♥️

جنة :- يلا

دخلوا مكتب معتز ، قعد عيسى وجانبه جنة على الكنبة

معتز راح يجيب علبة الإسعافات من درج مكتبه

جنة بخوف وهي بتحط ايديها جنب شفايفه

:- بتوجعك اوي

عيسى ببأبتسامة عاشق : لا متخافيش

فضلوا باصين لبعض فترة من الوقت ، قاطع نظراتهم معتز اللي وقف قدام عيسى

معتز :- يلا عشان اعقملك الجرح

جنة : هعقمهله انا يا دكتور

معتز:- تمام عن اذنكوا انا هخرج شوية وجاي خدوا راحتكم

عيسى :- تمام يا معتز شكرا

جنة بدأت تعقم الجرح بحب وخوف

عيسى : اااه براحة شوية

جنة بدموع: انا آسفة

عيسى : متعيطيش والله بهزر فيه ايه

جنة : آسفة عشان كل دا حصل بسببي انا اللي خلاتكوا تتجادلوا مع بعض

عيسى وهو بيمسح دموعها بحنية مفرطة

:- وانتي ذنبك ايه انتي معملتيش حاجه هو اللي واحد مش متربي خلاص متعيطيش دموعك غالية عليا اوي يجنة

جنة بخجل :- بقيت احسن صح

عيسى :- طول ما انتي معايا انا كويس والله وشكرا لانك مسبتنيش

جنة :- على ايه دا انت ابن عمي و

عيسى بلهفة :- وايه سكتي ليه كملي

وطيت راسها بخجل وهي بتفرك ايديها من توترها

:- انا هخرج انا بقى محاضرتي قربت تبدأ عن

مكملتش الجملة لتجده بيشدها من ايدها وبيوقفها قدامه باحترام وابتسم لها بهدوء شديد واتكلم برفق معها جدا جدا جدا

عيسى بحب وهو بيبصلها بهدوء

:- ليه بتحرمني من أني ابص لعيونك الحلوين دول يجنة

جنة بخجل :- اممم ممكن تسبني اخرج

عيسى :- لا

جنة بخجل وتوتر:- هو هو يعني دكتور معتز لو دخل و شافنا كدا

عيسى :- عادي نوريله قسيمة جوزنا هو مش انتي مراتي برضوا ولا ايه

جنة :- اه

استغفر الله العظيم الذي لا اله الا هو الحي القيوم و اتوب اليه ♥️

عيسى :- يبقى محدش ليه حاجة عندنا كملي الجملة بقى ابن عمي وايه عايز اسمعها ممكن

جنة :- ابن عمي و جوزي

عيسى سمع الكلمة مقدرش يتحكم فى نفسه قرب منها واتكلم بهدوء شديد جدا

:- عارفه الكلمة دي عملت فى قلبي ايه

جنة بتوهان فيه :- ايه

مسك ايديها واتكلم معها بهدوء واتكلم بحنية

:- مش انتي دكتورة بالنسبالك كدا كلامي واضح جدا

هزت راسها بخجل بمعنى لا و معرفتش تتكلم من قربه منها

عيسى ابتسم لها بحب واتكلم بهمس

: انتي بتعملي كدا كل مرة فى قلبي بقربك منه

مسك ايديها بحب ومسك كف ايديها لاقى ايديها بدأت تعرق من توترها

عيسى بخوف :- انتي كويسة

جنة بخجل :- اها انا لازم امشي بقى

عيسى : ما تخليكي قاعدة معايا شوية

جنة :- عندي محاضرة

سحب منديل من العلبة اللي كانت موجودة على التربيزة قدامه وبدأ يديها منديل بهدوء اتكلم بحنية

:- مش مستاهلة هي كل التوتر دا على فكرة اومال لو اتعاملت معاكي كزوج هتعملي ايه

جنة بخجل شديد وتلقائية : عيسى انا مش قادره والله لازم امشي سابني لو سمحت

عيسى وهو بيسبها:- تمام يجنة امشي

جنة :- انت زعلت

عيسى بضيق :- وانا هزعل من ايه المفروض طول الوقت اكون حاطط فى دماغي ان جوزنا مش حقيقي انا اسف تقدري تمشي

قربت من وشه بخجل شديد و وقفت قدامه باحترام وسمعت كلامه بهدوء شديد جدا جدا اتكلم بهمس وحب

عيسى:- جنة

ابتسمت له بفرحة كبيرة جدا

عيسى بصلها بصدمة شديدة ، و ضربات قلبه بدأت تزيد بشدة

بصتله بخجل شديد و توتر من نظراته ، وخرجت بسرعة البرق من الاوضة ، ضحك عليها بحب وهو بيحط ايده على خده

عيسى بهمس وحب :- بعشقك يا جنة

اللهم صلي وسلم وبارك على سيدنا محمد وعلى اله وصحبه اجمعين ♥️

حطيت ايديها على قلبها بخجل شديد ، دخلت الحمام تغسل وشها

جنة :- ايه اللى انا عملته دا بجد انتي هبلة يجنة ما هو جوزك ايوا بس زمانه قال عليا ايه دلوقتي اصلا انا مش فاهمه عيسى خالص واحد مش مفهوم مش هحط فى دماغي وهركز على دراستي احسن بس انا ليه كنت حاسة بشعور مختلف اوي كدا معقول اكون بدأت أحبه لا لا لا عيسى ابن عمي مش اكتر وبعدين عيسى الجبالي اللى بنات العالم كلها بتجري وراه هيحبني انا اكيد لا بطلي تحلمي احلام اكبر منك يا ست جنة

فى عربية مصطفى وقف قبل الكلية بشوية

مصطفى بضيق :- انزلي يلا هنا مش عايز حد يشوفك وانتي خارجة من عربيتي

نور بحزن : هو انا كدا اتأخرت صح

مصطفى وهو بيبص فى الساعة:- لسه المحاضرة فاضلها ربع ساعة وبعدين انتي اللي ديما متأخرة ساعة عبال ما نخلصي لبس

نور :- طب ممكن متزعقليش

مصطفى: انزلي يا نور

جت تنزل معرفتش تفك الحزام بصيت لمصطفى واتكلمت برقة و طفولة

:- مصطفى

مصطفى: هااا

نور :- مش عارفه افك الحزام ممكن تساعدني لو سمحت

مصطفى ببأبتسامة على طفولتها:- هتكبري امتى نفسي واعرف

قرب منها وهو بيفك الحزام عيونهم اتقابلت فضلوا يبصوا لبعض فترة ، مصطفى قرب منها باحترام واتكلم معها بهدوء وهو مش عارف يبعد عنها اما نور فغمضت عينيها بحب وهي مستشعرة قربه منها مصطفى كان فك الحزام بس مقدرش يبعد عنها جدا جدا جدا جدا

مصطفى بهمس :- ريحتك حلوة اوي يا نور

نور : شكراً

اقترب منها بهدوء واتكلم باحترام شديد جدا جدا

مصطفى بهمس وحب :- هو انا مش عارف ابعد عنك ليه

نور : وهي وقفت قدامه بهدوء :- لو حد شافنا كدا هياخدونا على القسم على فكرة

مصطفى:- عادي انتي مراتي

نور :- مصطفى

مصطفى:- امممم متتكلميش يا نور سبيني كدا شوية

نور :- بحبك

فضلوا كدا شوية لحد اما قاطعهم صوت المنبه من تلفوني نور بعد مصطفى بضيق

مصطفى بضيق :- انتي ظبطه دلوقتي ليه

نور بخجل وهي بتظبط طرحتها :- كنت عامله غفوة عن اذنك

خرجت من العربية اتنهد بضيق وهو بيعاتب نفسه على اللي عمله اتكلم بغضب

:- هتفضل لحد امتى اناني مينفعش يمصطفى مينفعش

اتحرك بعربيته ناحية الكلية وهو موجه نظره عليها وهي ماشية

عيسى :- الو ايوا يا جدي

كامل :- ايوا يعيسى انت فين

عيسى : انا فى كلية جنة وحنين قاعد مع واحد صاحبي وبعدين هطلع على المصنع

كامل : تمام اول اما تخلص تعال البيت على طول عايزاك فى موضوع مهم

يتبع ………نسيم العشق

البارت العاشر

عيسى :- ليه فيه حاجه ولا ايه

كامل :- موضوع يخص الشغل وانت عارف جدك بيحب ينام بدري فتعال على طول

عيسى : حاضر يا جدي

فى مدرج الفرقة التانية

جنة كانت قاعدة وبتفكر فى عيسى و فى اللي حصل منها أو منه و بتبتسم قاطع تفكيرها نور اللي راحت عندها

نور :- احم

جنة بصتلها بالامبالاة وهي مش عارفه تحدد مشاعرها من ناحيتها

نور بدموع :- ممكن اقعد جانبك لو مش هيضايقك يعني

جنة :- هو انا اتكلمت عشان تعيطي ولا عايزة تمثلي دور البريئة وانا اللي جاية عليكي وتروحي تقولي لجدي وعيسى

نور:- لا والله انا بس زعلانة من نفسي زعلانة عشان انا كنت السبب فى زعلك و زعل قلبك بس فيه حاجات كتير انتي متعرفيهاش عن جوازي انا و مصطفى وللأسف مش هعرف اقولهالك كل اللى عايزكي تعرفيه ان والله مش قصدي اضايقك انا اسفة يجنة متزعليش مني والله لو فضلتي زعلانة كدا انا مش هسامح نفسي

جنة :- هو انتي بتحبي مصطفى فضول مش اكتر على فكرة

نور :- انا بعشق مصطفى

جنة :- اوه طب تعالي اقعدي

نور بفرحة وهي بتمسح دموعها وبتعقد جانبها

:- بجد يعني انتي مش زعلانة مني

جنة:- وانا هزعل منك ليه بصي لو فضلت زعلانة منك معناها اني لسه بحب مصطفى وانا دلوقتي ست متجوزة فدا يعتبر غلط لجوزي وانا عمري ما كنت ولا هكون كدا والصراحة بقى من غير زعل اللي تبقى مع عيسى الجبالي تبقى هبلة لو فكرت فى غيره

اللهم صلى وسلم وبارك على سيدنا محمد وعلى اله وصحبه اجمعين ♥️

جنة وهي بتفتكره وبتبتسم حطيت ايدها على خدها مكان ما شفايفه كلمتها

:- مش عارفه حقيقى مش عارفة بس مش عايزة اخسره

كملت بهمس :- خلاص اسكتي جوزك دخل لو شافنا بنتكلم هيزعلنا من المحاضره

مصطفى:- كدا المحاضرة انتهت تقدروا تتفضلوا

نور كانت لسه هتخرج بس لاقيت مصطفى بعتلها مسدج تستنى

جنة :- هو ؟

نور :- اها روحي انتي وانا هحصلك

جنة :- تمام

كل الطلابة خرجوا من المدرج ومفضلش غير مصطفى و نور راح مصطفى ناحية الباب وقفله وراح وقف قدام نور

مصطفى:- شايفك اتصاحبتي على جنة اوي

نور :- ودا يضايقك فى ايه

مصطفى:- نور اتكلمي كويس

نور :- اه فيه حاجه تانية يلا عن اذنك

مصطفى وهو بيمسك ايديها :- استني

نور :- نعم وبعدين مش خايف حد يشوفنا يا دكتور مصطفى

مصطفى:- انتي زعلانة بقى

نور :- انت ليه مش عايز تعرف حد اني مراتك مستعر مني لدرجة دي

مصطفى:- انا وانتي مش هنكمل يا نور مفيش داعي أن حد يعرف

نور بدموع:- تمام عن اذنك

مصطفى: بتعيطي ليه

نور بعصبية مفرطة و صوت عالي و بكاء : وانا المفروض معيطش صح جوزي اللي بحبه بيقولي مش هنكمل يا ريتني ما عرفتك يا رتني ما حبيتك ياا تقول كلمة كويسة ياا متقولش خالص

قالت كلامها وسابته وخرجت وهي بتحاول تتحكم فى عياطها وشهقاتها ، بص لطيفها بحزن كبير

مصطفى:- غصبن عني يا نور انتي متعرفيش مصطفى على حقيقته

جنة كانت جاية تخرج بس لاقيت حد بيشد ايدها و بيدخلها اوضة صغيرة فاضية موجودة فى الكلية ، جنة خافت بشدة وهي بتتكلم بخوف وهو بيهديها بهدوء شديد

: اهدي انا عيسى فيه ايه ساعة مستانيكي على فكرة

جنة وهي بتبص لعينيه اللي مقدرتش تشيل نظرها عنهم

عيسى:- خلصتي اروحك

جنة :- لسه فاضلي سكشن انت ممشتش لحد دلوقتي ليه

عيسى :- قولت اوصلك و اروح المصنع

جنة :- امممم اسفة عشان خلايتك تستنى على الفاضي

اقترب منها بهدوء شديد جدا و اتكلم بهمس وألم

: جنة انتي لسه بتحبي مصطفى

جنة بخجل :- لا والله مبقاش فى دماغي انت مهتم

بالموضوع اوي كدا ليه

استغفر الله العظيم الذي لا اله الا هو الحي القيوم و اتوب اليه ♥️

عيسى :- عشان انتي مراتي وعشان مش عايزاك تفكري فيه عشان دا بيوجعلي قلبي

جنة :- ليه

عيسى :- عشان

قاطعه رنة فونه ، بعد بضيق وهو بيمسح على وشه ، جنة بصتله بخجل شديد

عيسى :- الو

: ايوا يباشا حبيت بس افكر حضرتك بالاجتماع لانك لسه مجتش لحد دلوقتي

عيسى وهو بيبص لجنة : الغيه

: ايه

عيسى :- بقولك الغيه انا مش جاي المصنع انهارده والغي كل مواعيدي

: تمام

: تخيل قال الغيه دا اول مرة يعملها و اول مرة ميجيش المصنع دي معجزة

جنة بخوف :- عيسى انت قولتله يلغيه صح انت كويس الالم بتوجعك قولي مالك

عيسى بحنية :- اهدي انا كويس خالص اهو بس عايز اشوفك وانتي فى السكشن عايز اشوف مراتي وهي دكتورة و بس كدا

جنة بصدمة : لاغيت الاجتماع عشان كدا انت شغلك مهم جدا بالنسبالك

عيسى :- والله العظيم ما عندي اغلى منك

جنة ببأبتسامة:- تمام براحتك يلا انا هخرج بقى

عيسى بترجي :- طب ما تخليكي شوية لحد معياد السكشن

جنة بصيت حواليها:- هنا

عيسى:- اه تعالي

سحبها من ايدها ووقفها قدامه باحترام وابتسم لها بحب كبير جدا جدا

جنة :- عيسى

عيسى :- بطلي كلام وخلينا كدا لحد معياد السكشن ماشي

وضعت راسها بهدوء وهي مبتسمة براحة كبيرة جدا : تمام

بعد مرور نصف ساعة

جنة :- عيسى

عيسى:- هممم

جنة :- عايزة اخرج معياد السكشن

عيسى :- لازم يعني

جنة :- ايوا

بعد عنها بصعوبة: ماشي يلا

جنة :- يلا ايه انت رايح فين

عيسى :- هحضر معاكي السكشن

جنة :- لا طبعا انت بتهزر مش هيرضوا يدخلوك

عيسى :- ملكيش دعوة انتي

جنة :- انا ماشية سلام انت شكلك سخن بجد

قالت كلامها وسابته و خرجت

جنة و نور كانوا واقفين فى المعمل وباقى الطلبة و معتز اللى كان معاهم فجأة لاقوا الباب بيخبط

معتز بهمس وهو بيفتح الباب:- هتوديني فى داهية

عيسى:- معلش اقف جنب صاحبك

جنة بصيت لعيسى اللي دخل بصدمة اما هو فبصلها وابتسم على شكلها

معتز:- اعرفكم يجماعة بالمهندس عيسى الجبالي

واحدة من الطلبة : طبعا غني عن التعريف النائب عن ديرتنا كمان انا من أشد معجبين حضرتك

جنة بصتلها بغيرة شديدة و هي بتتجاهله وبتكمل اللي كانت بتعمله

لا حول ولا قوة الا بالله العلي العظيم ♥️

معتز :- هيحضر معانا السكشن عشان يشوف مستواكوا لان زي ما الكل عارف ان مؤسسة الجبالي هتفتح مستشفى تحت إدراة الدكتور مصطفى وهياخدوا من هنا دكاترة للتدريب

نور وقتها ابتسمت بسخرية اما سمعت اسم مصطفى

فضلوا واقفين وعيسى كان مركز على جنة لحد نهاية السكشن وجنة كانت متابع. البنات اللي كانوا بيبصوا لعيسى كانت بتبصلهم بغيظ وغيرة شديدة وصل عيسى جنة البيت

جنة:- مش هتطلع

عيسى :- هدخل لجدي المكتب وجاي اسبقيني انتي

جنة :- تمام

عيسى : عامل ايه يا جدي

كامل :- تعال اقعد شركة المعمار اللي فى القاهرة قالوا محتاجينك عشان المشروع الجديد هتعقد هناك اسبوعين

عيسى :- اسبوعين هبعد عنكوا اسبوعين كاملين

كامل بضحك : قصدك هبعد عن جنة اسبوعين كاملين

عيسى وهو بيروح عنده :- ديما كاشفني

كامل :- خدها معاك واهو فرصة تبقوا لوحدكوا وتتقربوا من بعض

عيسى وهو بيحضنه : والله بحبك

كامل : – هههههه بس مش اكتر من جنة بس بقولك ايه ترجع بأخبار حلوة عايز اشوف ولادك بقى

عيسى: والله وانا اكتر منك بس نعمل ايه بقى المهم ادعيلي انت بس هطلع ابلغ جنة وهنسافر بليل

كامل :- ماشي يا ولدي

خرج عيسى كامل بص لطيفه واتنهد:- انت من حق عيلة الجبالي وبس يعيسى عاصم النويري ميستحقش تبقى ابنه

فى اوضة نور و مصطفى

دخل مصطفى لاقى نور قاعدة على السرير وبتعيط ، راح قعد جانبها وحط ايده على كتفها

مصطفى بحنية : لسه بتعيطي

نور وهي بتبعد : ملكش دعوة بيا وطلقني بقى انا مش عايزة اعيش معاك تاني وجودك فى حياتي مش بيسببلي غير الوجع والقهر وبس

مصطفى بحنية وهو يقترب منها بهدوء: انتي عايزة ايه يا نور عايزة تطلقني هترتاحي وانتي بعيدة عني

نور :- يمصطفى ابعد

مصطفى:- مش باعد انا جوزك على فكرة

نور بمعاتبة :- دلوقتي جوزي امشي يمصطفى بقولك ومتفكرش اني هضعف على فكرة

مصطفى ببأبتسامة:- والله اد اللي قولتيه دلوقتي

نور بتحدي :- اه

ابتسم لها بفرحة كبيرة جدا ، غمضت عيونها بتوهان ، ابتسم بحب ومسك ايديها ومسك كف ايديها

نور : مصطفى

مصطفى بحنية : هششش

غمض عينيه وهمس بهدوء شديد: حتى لو عايز ابعد عنك مش عارف انا اسف على اللى هعمله بس والله ما قادر ابعد استسلمت نور كليا ، قرب منها بحب كبير وابتسم لها

فى الدور الارضي

علي ( والد نور ) وقف فى نص الصالة واتكلم بصوت عالى خرج كل الموجودين في القصر

:- فين بنتي يمصطفى مفكرني مش هعرف اوصلك لو راجل هاتها و تعال

نور سمعت الصوت حاولت تبعد بس مصطفى كان ماسك فيها

نور : مصطفى ابعد

مصطفى: مش قادر يا نور اسكتي بقى

نور :- فيه صوت عالي جاي من تحت وتقريبا صوت بابا

مصطفى بصدمة وهو بيقوم :- ايه

يتبع………