#الجزء_الثانيسمعت صوت باب في الدور اللي انا فيه بيفتح, و في اللحظة دي النور اللي في الدور بدأ يرعش بطريقة غريبة, سمعت صوت من ورايا شخص بيزعق و بيقول ” انت يا اخ انت.. مش تخلي فيه ذوق عندك و توطي ص…
#الجزء_الثانيسمعت صوت باب في الدور اللي انا فيه بيفتح, و في اللحظة دي النور اللي في الدور بدأ يرعش بطريقة غريبة, سمعت صوت من ورايا شخص بيزعق و بيقول ” انت يا اخ انت.. مش تخلي فيه ذوق عندك و توطي صوتك المزعج دا”, برقت بغضب في الشخص اللي بيتىكلم و انا برد عليه ” صوت مين المزعج يا جحش انت.. دا صوتك انت اللي مزعج زيك”, لقيته قرب عليا و مسكنا في بعض و العمارة كلها اتلمت علينا و ابتدوا بينا, لكن انا مكنتش قادر اسكت الا لما الشخص دا, لكن الناس اللي في العمارة حاشونا عن بعض وهو دخل شقته و انا كمان البواب مسكني اوي من ايدي بطريقة غريبة و هو مبرقلي و بيقول ” انا مش حظرتك متعليش صوتك طول في العمارة هنا.
. افتكر اني قلتلك بلاش”, قالي الجملة و ساب دراعي اللي كان ماسكوا بغضب و عصبية و مشي !!, قلت لنفسي و انا بدخل و بقفل الباب بعصبية ” ايه العمارة اللي كلها مجانين دي !, واحد طالعلي بفانلة بحملات و بيشتم في خلق الله, و بواب غريب بيقول حاجات غريبة زيوا و مش مفهومة”, في اللحظة دي حصلت هزة في العمارة من قوتها خلتني وقعت علي الارض, للمرة التانية !, بس مفيش أي صوت صريخ و لا حد بيقول و لا حاجة, الامور طبيعية و عادية, خالص , تليفوني رن و كان منير ” الو يا منير .
. حسيت بزلزال دلوقتي؟”..منير : !!.. زلزال ايه .. انا عايز اقولك ان احنا في المركز شوية و هكلمك”.. رديت بصدمة ” ايه!! .. مركز ايه يا منير انا جايلكم حالا”, منير قفل السكة قبل ما يقولي هما فين, بس انا عارف اقرب مركز للسكن اكيد هما فيه, لبست أي حاجة بسرعة و نزلت , وانا خارج البواب كان واقف علي باب العمارة و كأنوا مستنيني, واقف بيبصلي بنظراته الغريبة , وانا خارج من قدامه لقيته بيقولي ” افتكر اني قلتلك بلاش “, وقفت وبصتله شوية و بعدين سبته و مشيت و انا بقول ” ايه الراجل المجنون دا !
!”, رحت المركز سألت عن صحابي و بالفعل كانوا هناك بس كانوا محبوسين في الحجز بسبب انهم حصلت بينهم خناقة كبيرة بينهم و بين الزفت اللي اسمه ” تامر”, دا الواد الريزل راح جاب شوية بلطجية صحابه و عمل مشكلة مع صحابي خيري و منير و حسين, خيري كان خد خبطة في راسه و عملوا محضر , بس جه اهل صحابي و حاولت احل المشكلة بطريقة ترضي صحابي , ان الواد تامر دا يسيب السكن و دا مقابل ان خيري هيتنازلوا عن المحضر و بالفعل دا حصل , و رحت قعدت مع صحابي شوية في السكن بعد ما المشكلة اتحلت, وبعدين قومت عشان امشي بقيت منير جاي ورايا و بيقول “انت راجع العمارة دي تاني”, ضحكت و قلتله ” اكيد امال هروح فين يعني!
؟”, منير سكت شوية وبعدين قال ” طيب خلي بالك من نفسك “, بصيت ليه وانا بقوله بأستغراب ” اخلي بالي من نفسي!.. هو رايح احارب, دانا بقولك راجع العمارة يا بني عادي”, سبته و مشيت و انا بضحك و كف علي كف , بس منير مكانش بيضحك, منير كان عارف حاجة مش عايز يقول عليها, رجعت العمارة و انا ببص حواليا في مدخل العمارة ملقتش عبد العزيز البواب اللي بقفلي كده و يقعد يبصلي بغرابة الحمدلله مكانش موجود, طلعت علي السلم اللي كان ضلمة من تحت بشكل مرعب, وفي لحظة مانا طالع كنت حاسس بحاجة لزجة في رجلي , بس مكنتش شايف حاجة من الضلمة , لكن لما طلعت الدور بتاعي كان في لمبة وشغال , شوفت الجزمة بتعتي و اللي شوفته خلني وقفت مكاني وانا متنح و مصدوم للجزمة, الحاجة اللزجة اللي كنت بدوس عليه كانت , افكار كتير جت في دماغي في اللحظة دي, عم عبدالعزيز البواب مش موجود يبقي حد .
وا و دا الدم بتاعه, في اللحظة دي بيحط ايدوا علي كتفي و بيقول ” انت بتكلم نفسك!؟”, كان عمي عبدالعزيز البواب, بصيت عليه و انا مندهش و بقول ” عم عبدالعزيز!!.. انت عايش؟.. امال . و لسه هكمل ملقتش حاجة علي الجزمة.. فين الدم!!”, بيقرب عليا و هو مبرقلي نفس التبريقة و هو بيقول ” خش شقتك و عدي ليلتك دا ان عدت.. انت وحظك.. خش “, قالي الجملة دي بطريقة مرعبة خلتني مش عارف ارد, دا انا مشيت ناحية الشقة بسرعة و دخلت و قفلت الباب, قفلت الباب و انا لسه ببص علي الجزمة اللي انا لابسها, انا متأكد انها كانت متغرقة قلعتها و مسكتها في ايدي وانا بدور فيها !
, كنت هتجنن!, هو انا بدأت اتخيل حاجات مش موجودة!!, هو انا تعبان , انا لازم اروح اكشف و اشوف , في اللحظة دي سمعت صوت خبط جامد و هزة شدية في العمارة مسكت في في التربيزة و سندت نفسي بالعافية من شدة الهزة دي, المرة سمعت صوت صريخ بره, فتحت الباب بسرعة و خرجت و اللي شوفته كان صدمة!!, الراجل اللي اتخانقت معاه قبل كده كان علي الارض و جسمه غرقان دم, مراته اللي بتصوت قعدت تقولي بصريخ ” .ته ليه ليه !!”, وقلتله ” .ت مين انا !! انا مجتش عن.. ولسه مكملتش الجملة واتصدمت اني في ايدي غرقانة دم!! مش عارف جت منين !!, الناس اللي في العمارة اتلموا عليا و مسكوني وواحد قال من اللي مسكني ” بلغوا البوليس و احنا مش هنسيبوا… يتبع
#لعنة_السكن#اسلام_احمد
